80 shtetas të tjerë bullgarë nga Libani u ulën në Aeroportin e Sofjes me aeroplanin qeveritar. Kështu, numri i të evakuuarve me dy fluturimet pas 30 shtatorit është tashmë 169. Fluturimin e fundit e ka mirëpritur ministrja e transportit Krasimira Stojanova. Ajo tha se autoritetet bullgare mbeten të gatshme për të evakuuar më shumë njerëz nga Bejruti. Sipas saj, të gjithë ata që kanë dashur të kthehen në Sofje janë tashmë në territorin bullgar. 50 prej të kthyerve janë fëmijë, dhe 12 prej tyre janë foshnja. Sipas të dhënave të Ministrisë së Punëve të Jashtme, në Liban janë 400 bullgarë, por jo të gjithë kanë dashur të evakuohen. Drejtori i përgjithshëm i Forcave Ajrore 28 të qeverisë, gjeneral brigade Todor Koxhejkov, tha për bTV se nëse kushtet lejojnë, do të mbahet një kurs tjetër për në Liban, por gjithçka varet nga qeveria. Deri më tani, një fluturim i tretë nuk është i nevojshëm.

Lexoni më shumë nga arkivi ynë:

• Airbus-i qeveritar evakuoi 80 bullgarë të tjerë nga Bejruti

• Presidenti Rumen Radev: Ndërprerja e dhunës në Lindjen e Mesme kërkon përpjekjet e bashkësisë ndërkombëtare