Përshkallëzimi i tensioneve në Lindjen e Mesme ka përqendruar vëmendjen në fushën e diplomacisë dhe mundësinë e shmangies së përshkallëzimit dhe përzierjes së më shumë vendeve në konflikt.
"Nga ana e Izraelit, Iranit dhe grupeve terroriste, ne po shohim një përshkallëzim dhe ka më pak hapësirë për diplomaci. Po shkojmë drejt skenarit më të keq për të cilin u fol një vit më parë," komentoi Ivajllo Ivanov, një ekspert i sigurisë në Unionin e oficerëve të rezervës “Atlantiku”. Sipas tij, qëllimi përfundimtar i Netanjahut është të detyrojë SHBA-në të ndërhyjë në favor të Izraelit dhe të dobësojë Iranin, "qoftë kjo përmes një sulmi ajror apo ndërhyrje direkte në terren, tani për tani po flasim për hipoteza... Jemi në pragun që gjërat të dalin jashtë kontrollit dhe e gjithë kjo do të ketë pasoja të rënda për mbarë botën”, paralajmëroi Ivanov.
Për momentin, nuk ka raportime për sulme të reja ushtarake në territorin e Izraelit, pas sulmit që mori jetën e 7 personave në një nga lagjet e Tel Avivit – Jafo, dy ditë më parë, i kombinuar me një sulm masiv raketor në vend nga Irani.
Vetëm një person që jeton këtu mund ta vlerësojë situatën realisht - tha Vesella Rajçinova për Radio Bullgarinë. Ai është me origjinë nga Bullgaria, por që nga fundi i viteve '90 është në Izrael, ku punon si gazetar, mësues dhe producent i disa festivaleve. Vetëm një rrugë ndan qytetin Bat Jam, ku jeton bashkatdhetarja jonë, dhe Tel Avivin:
"Vetëm një person që jeton këtu mund ta vlerësojë situatën në një mënyrë më reale sesa duket nga jashtë. E vërteta është se nga jashtë, madje diçka që nuk duket aq serioze paraqitet si jashtëzakonisht serioze, dhe unë e shoh këtë, duke i parë kolegët e mi që vijnë dhe janë të bindur se situata këtu është shumë e rëndë. Unë u them të mos shqetësohen, sepse atentati është larg nesh - është në rrugën tjetër, ose në qytetin tjetër - dhe ata janë shumë të habitur nga ajo që po u them atyre."
Deri më tani çdo gjë është e qetë – vuri në dukje zonja Rajçinova, por tha se natën e së mërkurës ndaj të enjtes në qytetin e saj është aktivizuar sërish një sinjal alarmi:
"Banorët e qytetit nxituan nga shtretërit e tyre drejt shkallëve dhe strehimoreve, duke përfshirë edhe mua. Besohet se ishte një sinjal për avionë të dyshuar armik që hynin në qiellin mbi Izrael, me një paralajmërim për disa rajone që mund të jenë në rrezik. Jam e sigurt se na presin ditë kritike në të cilat duhet të merren vendime të rëndësishme dhe sinqerisht shpresoj se ato do të jenë më të mirat për të përballuar këtë problem, sepse me sulmin e Iranit filloi lufta në rajon”.
Bashkatdhetarja jonë e konsideron të paprecedentë hyrjen e “Hamasit” në territorin izraelit më 7 tetor të këtij viti – një kapërcim i tyre jashtëzakonisht serioz:
"Unë mendoj se atëherë Izraeli i lejoi ata të hynin. Ne këtu duhej të mbylleshim - unë jetoj në katin e parë – duhej të mbylleshim, sepse ata nuk interesohen për asgjë - ata janë të droguar, janë fanatikë për shkak të njëfarë ideologjie që ka për qëllim vetëm vrasjen, pa e ditur se kujt. Atëherë u vrasën disa tajlandezë. Unë jam gazetare dhe jam e fortë, por duhet të pranoj se mezi e mbajta veten pas asaj që pash pas sulmit. Në momentin e parë më ishte shumë vështirë të flisja për mediat bullgare, sepse kolegët e mi donin të dëgjonin këndvështrimin njerëzor pas asaj që ndodhi”.
Lexoni më tepër:
Foto: BGNES, BNR
Përgatiti në shqip dhe publikoi: Vesella Mançeva
Edicioni i pesëmbëdhjetë i “Festivalit të Artit me Letër Sofja 2025”, mbahet nga 3 deri më 15 qershor në Pallatin Kombëtar të Kulturës nën moton “Shpirti dhe Materia”, njofton BTA. Sipas organizatorëve, motoja e forumit përmban një mesazh për shoqërinë..
Ministria e Turizmit hapi sezonin turistik veror për vitin 2025 me një ngjarje frymëzuese në Pomorie - një qytet që kombinon detin, historinë, kulturën dhe mundësitë për balneologji dhe turizëm SPA."Një fillim ndryshe për verën e vitit 2025! Paç..
Sivjet Dita e Fëmijëve ka një përvjetor - 1 qershori 2025 shënon saktësisht 100 vjet që nga shpallja e datës për Ditën Ndërkombëtare të Fëmijëve. Kjo ndodhi në vitin 1925 në një konferencë botërore në Gjenevë. Tradita dikton që dita të jetë plot..
Kryetarja e Asamblesë Kombëtare u takua me përfaqësues të komunitetit bullgar në Shqipëri. Në krye të një delegacioni parlamentar bullgar, Natalija..
Kushtet e paqëndrueshme dhe të paparashikueshme të motit këtë pranverë, me luhatje të mëdha të temperaturave, i detyruan banorët e kryeqytetit që, përveç..
Dega e Universitetit të qytetit bullgar Ruse në qytetin Taraklia të Moldavisë do të jetë në gjendje të pranojë deri në 150 të rinj me origjinë bullgare..