Mihaella Marinova, e cila është ndër këngëtaret e reja më të suksesshme bullgare, realizoi një album të ri. Ajo prezantoi koleksionin prej dhjetë këngësh me një turne në qytetet më të mëdha të Bullgarisë. Titulli i albumit “Flutura e Zezë” flet për metamorfozat që këngëtarja ka pësuar së fundmi në plan personal.
Kënga e parë nga albumi është "Të arratisem". Ajo u krijua në bashkautorësi të këngëtares me producentin e njohur rumun Kristian Pistol. Vet këngëtarja rrëfen:
“Pas çdo albumi më duhet të “çlirohem” gradualisht nga ajo që ishte e mbyllur në të, në mënyrë që të vazhdoj të krijoj këngë të reja. "Të arratisem" lindi pikërisht në një moment të tillë dhe u bë një derë për albumin tim të radhës."
"Të arratisem" ka një video zyrtare,që përbën një rrëfim vizual i natyrës shpesh të dhunshme dhe toksike të dashurisë, që na shtyn në ekstreme.
Lexoni më shumë për këngëtaren nga koleksioni i Radio Bullgarisë:
Redaktore: Diljana Traçeva
Përgatiti në shqip dhe publikoi: Svetllana Dimitrova
Eva Bel dhe Emin, të cilët janë partnerë në skenë dhe kanë shfaqje së bashku, së fundmi kanë incizuar këngën e tyre të përbashkët "Unë kam gjithçka". Emin Al-Xhunejd e njohim nga pjesëmarrja e tij në Konkursin Kombëtar të Këngës Argëtuese..
Tashmë katër dekada, grupi “Atllas” na ofron muzikën e tyre. Kënga e tyre e fundit me titullin "O-oooh!" është dinamike, me një tingull karakteristik të stilit new wave dhe një linjë melodike. Kënga është singëli i dytë nga albumi që “Atllas”..
Angell Prodanov - Aço është gati 30 vjeç, dhe ndonëse që në fëmijëri luan piano dhe studion solfezh, ai ka rreth shtatë vjet që merret me muzikë profesionalisht. Ka marrë pjesë në disa programe televizive dhe në vitin 2020 në “Zëri i Bullgarisë”..