Më 17 dhe 18 tetor 2024 në Universitetin e Sofjes “Shën Klementi i Ohrit” do të mbahet konferenca shkencore ndërkombëtare “Paralelet ballkanike” kushtuar përvjetorit të 30-të të themelimit të degës së Ballkanistikës.
Ballkanistika është një specialitet unik në arsimin e lartë bullgar i krijuar në vitin 1994 në Departamentin e Gjuhësisë së Përgjithshme, Indo-Evropiane dhe Ballkanike pranë Fakultetit të Filologjisë Sllave të universitetit më të vjetër bullgar “Shën Klementi i Ohrit”,me kontributin e jashtëzakonshëm të Prof. Petja Asenova, e cila jo vetëm që zhvilloi dhe realizoi konceptin e specialitetit të ri, por gjithashtu arriti të kapërcejë të gjitha vështirësitë administrative në formimin e tij.
Dega e Ballkanistikës është orientuar drejt studimit të katër gjuhëve të Unionit Gjuhësor Ballkanik (bullgarishtja, shqipja, rumanishtja, greqishtja,) dhe të kulturës dhe letërsisë së popujve që kanë banuar në Gadishullin Ballkanik që nga kohërat e lashta deri në ditët e sotme. Programi zhvillon njohuri të shumanshme në disa fusha të shkencave humanitare, duke u mundësuar studentëve të arrijnë thellësitë e hapësirës shpirtërore ballkanike.
Sipas modelit të specialitetit të Ballkanistikës në Universitetin e Sofjes, më vonë u krijuan specialitete të ngjashme edhe në universitete të tjera bullgare - Universiteti i Veliko Tërnovos "Shenjtorët Kirill dhe Metodij”, Universiteti i Plovdivit “Paisij Hilendarski”, Universiteti Jugperëndimor “Neofit Rillski”.
Në konferencë do të paraqiten kumtesa që mbulojnë sfera të ndryshme të studimeve ballkanike – linguistika, letërsia, kultura. Ndër pjesëmarrësit ka edhe ish-përkthyes, redaktorë dhe gazetarë nga Redaksia e Gjuhës Shqipe të Radio Bullgarisë – Prof. e Asoc. Rusana Bejleri, Prof. e Asoc. Ekaterina Tërpomanova dhe Anna Kapitanova.
Të ftuar zyrtar janë përfaqësues të ambasadave të Shqipërisë, Kosovës, Greqisë dhe Rumanisë.
Lexoni më tepër nga arkivi i Radio Bullgarisë:
Foto: BTA, Universiteti i Sofjes - arkiv
Përpiloi në shqip dhe publikoi: Vesella Mançeva
Më 2 prill mbushen 95 vjet nga lindja e këngëtares popullore Stefka Sëbotinova . Ajo lindi në vitin 1930 në ish-fshatin Rozov Klladenec, sot fshati Obruçishte, rajoni i qytetit Stara Zagora të Bullgarisë Juglindore. Ajo vjen nga një familje..
Ekspozita fotografike për 96 vjetorin e fillimit të speleologjisë së organizuar në Bullgari u rregullua në Urën e të Dashuruarve pranë Pallatit Kombëtar të Kulturës. Këtë e bënë të ditur organizatorët e klubit të shpellës “Nën buzë”. Ekspozita..
Sot shënohet 88 vjetori i lindjes së këngëtares sonë të madhe të folklorit Nadka Karaxhova. E lindur më 14 mars 1937 në fshatin e atëhershëm Trivodici të rrethit të Pazarxhikut (sot - rajoni i Plovdivit), ajo është pasardhëse e një familjeje të vjetër..
Më 2 prill mbushen 95 vjet nga lindja e këngëtares popullore Stefka Sëbotinova . Ajo lindi në vitin 1930 në ish-fshatin Rozov Klladenec, sot fshati..
Vranësira
Vranësira të dendura me shi
Vranësira të dendura