Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Mijëra i thanë lamtumirën legjendës së rock-ut Kirill Mariçkov

Foto: BGNES

Mijëra admirues, të afërm dhe miq të legjendës bullgare të rockut Kirill Mariçkov u dyndën në kishën "Shën Sofia" të kryeqytetit për t'u përkulur para eshtrave mortore të muzikantit dhe për të thënë "Lamëtumirë". Në të njëjtën kohë, adhuruesit e këngëtarit në të gjithë vendin organizojnë iniciativa të ndryshme në kujtim të muzikantit të dashur.

Një nga muzikantët më të njohur dhe më të dashur bullgar u largua nga kjo botë më 11 tetor - 20 ditë para ditëlindjes së tij të 80-të, në një aksident para fillimit të një koncerti në fshatin Sellanovci, rajoni i qytetit Vraça.

“Gëzohem shumë kur shoh që njerëzit janë të buzëqeshur dhe të kënaqur me atë që bëj. Vrazhdësia që na rrethon, shpirtmadhësia nuk vlen për publikun e grupit “Shturcite” (Gjinkallat), ndau muzikanti i preferuar i miliona bullgarëve, në një nga intervistat e tij të fundit për BNR.

"Një muzikant i madh, me shumë stil, me shumë shije. Muzika e tij formoi një brez të tërë", tha aktori dhe kryetar i Lidhjes së Artistëve në Bullgari Hristo Mutafçiev. “Nuk mund të thuash dy fjalë për Kirill, ai është një univers. Më vjen keq pafund. Me vjen shume keq. Nuk duhej të ndodhte kështu. Një njeri iku, por la një epokë”, tha Danço Karaxhov, frontmeni i grupit legjendar të rock-ut bullgar “Signall”.

Karriera e Kirill Mariçkov filloi në vitin 1962 me formacionin "Bëndaracite" - një nga grupet pioniere të rock-ut bullgar. Pasuan 40 vjet me një tjetër grup legjendar bullgar të rock-ut - “Shturcite” (Gjinkallat), dhe rekord nga mbi 2600 koncerte, dhjetëra albume dhe turne të panumërta. Që nga viti 2013, ai është në grupin bullgar "Fondacioni", i cili bashkoi disa nga muzikantët më të mirë bullgar të rock-ut.

Mariçkov është autor i më shumë se 150 këngëve dhe fansat e tij do të kujtojnë gjithmonë hite si "Rock në kohën e shkuar", "Shija e kohës ", "Kalorësi”, “Betimi”, “Ngjyra magjike”, “Shekulli XX”, “Hamlet”. Ai qëndron edhe pas muzikës së 14 filmave, mes të cilëve “Dje”, “Adio Rio”, “Ura e Danubit”.

Foto: BGNES, BTA


Последвайте ни и в Google News Showcase, за да научите най-важното от деня!

Më shumë nga rubrika

Grupi

“Mona Liza” – grupi “Ostava” feston ditëlindjen me fansat dhe këngën e tij më të re

Grupi “Ostava” e ka bërë traditë që në fillim të shtatorit të festojë ditëlindjen me një koncert në “Majmunarnika” – një vend i njohur në qendër të Kopshtit të Borisit në Sofje. Këtë vit tradita vazhdon me një takim me publikun në datën 11..

botuar më 24-09-10 6.15.PD

“Të gjitha gënjeshtrat” titullohet kënga e re e interpretuesit të ri Samuell Manueljan

Autor i muzikës, tekstit dhe aranzhimit është Dimitër Bodurov, një burrë nga një vendbanim i vogël që u vendos për të jetuar në qytetin Stara Zagora disa kohë më parë. Si një dashamirës i muzikës që në fëmijëri, ai regjistroi të gjitha këngët e tij..

botuar më 24-09-09 8.10.PD
Georgi Minçev

“Lule për Goshon” mbledh adhuruesit e këngëtarit Georgi Minçev

Miqtë dhe adhuruesit do të nderojnë kujtimin e këngëtarit dhe kompozitor të njohur të pop-rokut Georgi Minçev , i cili u largua nga bota jonë 23 vjet më parë. Festivali i muzikës rok dhe blues "Lule për Gosho" zhvillohet më 7 dhe 8 shtator në..

botuar më 24-09-07 6.10.PD