Përfaqësuesit e popullit bënë një përpjekje të tretë të pasuksesshme për të zgjedhur kryetarin e tyre.

Forcat politike parashtruan edhe një herë pesë kandidatura - nga këto, vetëm partia "Ka një popull të tillë" (ITN) ndryshoi propozimin e vet, duke emëruar deputetin më të vjetër dhe anëtarin e saj Sillvi Kirillov, i cili drejton përkohësisht seancat plenare.

Edhe një herë, Raja Nazarjan, e nominuar nga GERB-SDS, dhe Andrej Cekov - nga "Po e vazhdojmë ndryshimin - Bullgaria Demokratike" (PP-DB) dolën në balotazh. Për Nazarjan votuan vetëm deputetët e koalicionit të saj dhe Cekovi mori votat e përfaqësuesve të PP-DB dhe Aleancës për të Drejtat dhe Liritë. Partia më e vogël MEÇ, e cila deri më tani mbështeste të gjitha kandidaturat përveç asaj të GERB-SDS, kësaj radhe votoi“kundër”.

Përpjekja e radhës për zgjedhjen e kryetarit të Kuvendit do të bëhet të mërkurën, më 20 nëntor.