Programi i ditës
Audio Player
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Kryeministri Gllavçev për anëtarësimin e Bullgarisë në Shengen: Gjërat po shkojnë sipas planit

Foto: BTA

Rumania dhe Bullgaria kanë një shans për t'u bashkuar me zonën Shengen dhe me rrugë tokësore nga janari 2025. Kështu deklaroi ministri i brendshëm hungarez Sándor Pintér pas një takimi jozyrtar në Budapest të ministrave të brendshëm të Hungarisë, Bullgarisë, Rumanisë dhe Austrisë. Hungaria mban presidencën e radhës të Këshillit të BE-së dhe Austria është vendi që deri më tani ka bllokuar hyrjen tonë tokësore në Shengen për shkak të shqetësimeve për një rritje të migracionit të paligjshëm.

"Deri tani gjërat po shkojnë sipas planit. Ky takim ishte për të raportuar progresin e Bullgarisë dhe Rumanisë në drejtim të luftës kundër migracionit të paligjshëm. Të mos harrojmë edhe përpjekjet e Turqisë, e cila na ndihmon shumë në këtë drejtim, të merremi me luftën kundër migracionit ilegal”, komentoi kryeministri Dimitër Gllavçev.

Në takim, ministrat vendosën krijimin e një kontingjenti të përbashkët shtesë prej 100 personash përgjatë kufirit bullgaro-turk. Sipas ministrit të punëve të brendshme Atanas Illkov, edhe nëse të dy vendet pranohen nga fillimi i vitit 2025, kontrolli përgjatë kufirit midis Rumanisë dhe Bullgarisë do të ruhet përkohësisht për 6 muaj, por nuk do të jetë ashtu siç është në momentin e tanishëm, bëri të ditur gazetari i BNR Nikollaj Hristov.

Vendimi përfundimtar për anëtarësimin e plotë të Bullgarisë dhe Rumanisë në Shengen do të votohet më 12 dhjetor në Këshillin për Drejtësi dhe Punë të Brendshme.
Që nga marsi i këtij viti, Rumania dhe Bullgaria janë pjesë e Shengenit nga deti dhe ajri dhe tani presin hapjen e kufijve tokësorë.



Последвайте ни и в Google News Showcase, за да научите най-важното от деня!

Më shumë nga rubrika

 Aleksandër Xhartov

Tragjedia në qytetin maqedonas Koçani provokoi aksione parandaluese në Bullgari

Zjarri në një diskotekë në qytetin maqedonas Koçani, ku humbën jetën 59 të rinj dhe mbi 150 u plagosën, provokoi veprime parandaluese të autoriteteve në Bullgari. Zjarrfikësit po nisin inspektime shtesë në rreth 260 objekte në të gjithë Bullgarinë,..

botuar më 25-03-17 6.38.MD

Dhjetëra dhuruan gjak në Sofje për viktimat e tragjedisë në Koçani

Thirrjes nga Spitali Urgjent “Pirogov” në Sofje për të dhuruar gjak në mbështetje të viktimave të zjarrit në Koçani të Maqedonisë së Veriut, iu përgjigjën dhjetëra vullnetarë. Fushata u organizua nga Kryqi i Kuq Bullgar. Fushata do të vazhdojë deri në..

botuar më 25-03-17 5.49.MD

Shteti do të përpiqet të rregullojë çmimet e 22 mallrave ushqimore

Rregullat për shtesat në dyqane dhe çmime të rregulluara për 22 produkte ushqimore bazë parashikohen në projektligjin e ri për zinxhirin agroushqimor, i cili u prezantua sot në Ministrinë e Bujqësisë dhe Ushqimit. “Ne si qeveri jemi të detyruar të..

botuar më 25-03-17 5.43.MD