“Pas votimit të sotëm për kryetar të Kuvendit Popullor, “Po e vazhdojmë ndryshimin” kërkoi dorëheqjet e Daniell Llorer dhe Javor Bozhankov”, shkroi në faqen e tij në Facebook bashkëkryetari i partisë Kirill Petkov. Tri vota nuk mjaftuan për të zgjedhur Sillvi Kirillov, të propozuar nga "Ka një popull të tillë", si kryetar parlamenti. Dy deputetë të PP-DB votuan "kundër", dhe një "abstenim".

Me vendim të Këshillit Ekzekutiv, Daniell Llorer, i cili abstenoi nga zgjedhja e Sillvi Kirillov, u përjashtua nga partia dhe të gjitha organet e saj. Mirëpo, i njëjti dënim nuk mund t'i shqiptohet Javor Bozhankovit për shkak se u zgjodh deputet nga kuota civile.

Nadezhda Jordanova, e cila gjithashtu votoi "kundër", shpjegoi se telekomanda nuk funksionoi dhe vota e saj ishte numëruar gabim.

“Bullgaria Demokratike” – partner koalicioni i “Po e vazhdojmë ndryshimin” – u shpall kategorikisht kundër përjashtimit të Daniell Llorer dhe Javor Bozhankov nga grupi parlamentar PP-DB, u bë e qartë nga një postim në Facebook.

• Nga “Bullgaria Demokratike” ofruan mbështetje për kandidaturën e Sillvi Kirillov

• Përpjekja e shtatë e pasuksesshme për zgjedhjen e kryetarit të Kuvendit Popullor