Në një takim kombëtar për rastet e shpeshta të agresionit në vende publike dhe dhunës në familje, të thirrur nga i ngarkuari me postin kryeprokuror Borisllav Sarafov, u shpreh qëndrimi se Prokuroria dhe Ministria e Punëve të Brendshme nuk do të jenë regjistrues pasiv të krimeve të tilla dhe do të tregojnë zero tolerancë ndaj tyre. Borisllav Sarafov tha se sulmet e vazhdueshme ndaj Ministrisë së Punëve të Brendshme dhe Prokurorisë së shtetit nuk duhet t'i pengojnë të dy institucionet të bëjnë punën e tyre. Kryeprokurori tha gjithashtu se kriza politike nuk do të lejohet të kalojë në drejtësi dhe të shndërrohet në institucionale.

Ministri në detyrë i punëve të brendshme Atanas Ilkov njoftoi se në kuadër të masave të planifikuara do të ketë prani të shtuar të policisë në pazaret dhe qendrat tregtare të Krishtlindjeve, ku pritet turma e njerëzve para sezonit festiv.