"Po e vazhdojmë ndryshimin - Bullgaria Demokratike" (PP - DB) do të propozojë krijimin e një komisioni hetimor parlamentar për të kryer një sondazh në shkallë të gjerë mbi ndikimin rus në vend. Këtë e tha për Mediapool deputeti i koalicionit, Ivajllo Mirçev. Dëshira e formacionit vjen pas zbulimeve për rrjetin e dezinformimit që ndikoi në zgjedhjet presidenciale në Rumani, saktëson deputeti. “Agjencia digjitale ruse, e cila drejtoi fushatën e nacionalistit Kalin Xhorxhesku në Rumani, rezultoi se ishte e lidhur me më shumë se 50 kompani bullgare të regjistruara në Plovdiv, me të njëjtin pronar. Është e qartë prej vitesh që propaganda ruse depërton në Bullgari përmes financimit kryesisht të kompanive energjetike të lidhura me Kremlinin, megjithëse në 2 vitet e fundit këto flukse kapitali u kufizuan shumë”, shtoi Mirçev.