Nata e Lindjes së Krishtit në kulturën tonë folklorike njihet me disa emra. Natyrisht, më shpesh ne e quajmë atë Natën e Buzmit. Në botën e krishterë Lindja e Krishtit pranohet si një festë e shpresës, e cila lind për të përmbushur zemrat e besimtarëve me gëzim.

Nata e Buzmit, është festa bullgare e përulësisë, mirënjohjes dhe shpresës. Pavarësisht se jo të gjithë e respektojnë periudhën e Kreshmëve të Krishtlindjes, në këtë ditë bullgarët mblidhen rreth tryezës tradicionale për të ndarë ngrohtësinë e vatrës së shtëpisë, tryezën rituale, ndjenjën e përkatësisë në një sakrament të lashtë. Dhe nëse në shumicën e ditëve të vitit kërkojmë të ndryshmen dhe të renë, në prag të Krishtlindjeve përpiqemi të përsërisim traditën ashtu siç e kemi trashëguar.

Pikërisht për traditat e trashëguara do t’ju flasim në këtë program të Radio Bullgarisë. Çfarë është ruajtur dhe çfarë është humbur prej tyre do të dëgjoni në se do të mbeteni me programin tonë.

Programin e shoqërojmë me muzikë popullore bullgare kushtuar festës.

Ju urojmë minuta të këndshme!

•  04.50 – Folklor

•  12.46 – Folklor