Mbështetja e bullgarëve për Eurozonën u rrit me 9 pikë në 46 për qind, sipas anketës së vjeshtës të “Eurobarometri”, të kryer nga 11 tetori deri më 1 nëntor. Por vendi mbetet i ndarë për këtë temë, sepse 46 për qind janë kundër vënies në qarkullim të monedhës së përbashkët. Për krahasim, në BE, mbështetja për euron është 74 për qind.

Për 2/3 e bullgarëve, lëvizja e lirë është rezultati kryesor pozitiv i anëtarësimit në BE. Imazhi pozitiv i BE-së në Bullgari është 52% krahasuar me 44 për qind në komunitet. Përafërsisht gjysma e bullgarëve e perceptojnë pushtimin rus të Ukrainës si një kërcënim për vendin dhe BE-në. Por në Bullgari, mbështetja për financimin e ndihmës ushtarake për Ukrainën është ndër më të ulëtat në BE - 26 për qind. Në të njëjtën kohë, 54 për qind e bullgarëve besojnë se BE duhet të forcojë kapacitetin e tij mbrojtës krahasuar me 69 për qind në BE.