Më 6 janar, Kisha Ortodokse Bullgare kremton një nga festat më të mëdha të krishtera - Ditën e Jordanit, Pagëzimin e Zotit, Epifaninë, ose Theofaninë Kjo është dita kur Shën Joan Pagëzori pagëzon Zotin Jezu Krisht në lumin Jordan.
Deri në shekullin IV festa e Epifanisë kremtohej së bashku me Lindjen e Krishtit. Më vonë, Kisha vendosi të festonte dy ngjarjet veçmas - Lindjen e Krishtit më 25 dhjetor dhe Pagëzimin e Zotit më 6 janar. Në kujtim të Pagëzimit të Krishtit në lumin Jordan, në Ditën e Jordanit, shenjtërohen të gjitha trupat ujor dhe nëpërmjet tyre, e gjithë natyra ujore e tokës. Në këtë ditë, sipas traditës, shenjtërohen edhe flamujt luftarakë të Ushtrisë Bullgare, në mënyrë që ajo të marrë bekimin dhe mbështetjen e Zotit.
Bekimi i Madh i Ujit, i quajtur gjithashtu Jordanez për shkak të pagëzimit të Krishtit në lumin Jordan, është vetëm dy herë në vit - më 5 dhe 6 janar -përkatësisht në Vodici dhe Epifani. Shërbesa është solemne dhe shenjtërimi i ujit bëhet pas përfundimit të Liturgjisë Hyjnore. Në të dyja ditët, priftërinjtë shenjtërojnë shtëpitë e besimtarëve me ujë të Epifanisë.
Më shumë hollësi për festën mund të mësoni nga koleksioni i Radio Bullgarisë:
Përpiloi: Darina Grigorova
Përgatiti në shqip dhe publikoi: Vesella Mançeva
30 vjet më parë, ndërtesa madhështore e Reichstagut në Berlin u vesh me pëlhurë argjendi në një nga aksionet më spektakolare nga artisti me origjinë bullgare Kristo (Christo Javacheff) dhe gruaja e tij Jeanne-Claude. Tani një instalacion ndriçues e..
Në ditën e pesëdhjetë pas Ngjalljes së Krishtit, kur apostujt u mblodhën së bashku, papritmas nga qielli u dëgjua një zhurmë si ajo e një ere të fuqishme që fryn me shpejtësi, dhe kjo zhurmë mbushi tërë shtëpinë ku ishin të mbledhur apostujt. U..
Sot, 7 qershori, u caktua nga Kisha si një nga ditët e veçanta të vitit kishtar, në të cilën ne drejtojmë lutje për faljen e mëkateve dhe qetësimin e shpirtrave të të dashurve tanë të ndjerë, të krishterë ortodoksë. Kjo është arsyeja pse ne i quajmë..
Pjesërisht me re
Mot i kthjellët