Kisha Ortodokse Bullgare nderon më 7 janar kujtimin e Shën Gjon Pagëzorit, të quajtur edhe Pararendës, sepse ai përgatiti njerëzit për ardhjen e Shpëtimtarit. Dita kushtuar Shën Gjonit, i njohur në vendin tonë si Dita e Ivanit, është menjëherë pas festës së Epifanisë për të nderuar Pagëzorin, i cili kreu Pagëzimin Hyjnor të Birit të Zotit. Shën Gjoni përhapte vullnetin e Zotit dhe i thërriste njerëzit në pendim, sepse Zoti i dha atij aftësinë për të parë mëkatet njerëzore. Ai i pagëzone të penduarit në ujërat e lumit Jordan, ku ata çliroheshin nga mëkatet e tyre për të rilindur për një jetë të drejtë.

• Dita e Bekimit të Ujit dhe simbolet e pagëzimit

• Mbledhja e Joan Pagëzorit, Pararendësit – një festë e lidhur me simbolikën e lashtë bullgare

• Festojmë ditën e Shën Joan Pararendësit dhe Pagëzor

Në Bullgari, larja rituale në lumenj dhe burime, që vjen të kujtojë pagëzimin në lumin Jordan, praktikohet në rajone të ndryshme edhe sot e kësaj dite. Në ujëmbledhësit e bekuar Ditën e Bekimit të Ujit, pavarësisht nga kushtet e motit, guximtarët hyjnë në ujërat e akullta. 

• Dita e Ujit të bekuar dhe Tubimi i Shën Joan Pagëzuesi

Trapeza është e pasur dhe përfshin të gjitha pjatat bullgare të dimrit nga fasulet, oshaf dhe banica deri te sallami i pjekur dhe brinjët e derrit me lakër.

• Çfarë na sjell Dita e Ivanit – tradita, rite dhe besime

Ditë të emrit kanë të gjithë ata që mbajnë emrin Gjon, Ivan dhe derivatet e tyre, dhe ata janë afro 350 mijë veta. Prandaj festa mbahet me nder të veçantë, pothuajse si një festë kombëtare, sepse nuk ka familje që nuk e shënon siç duhet.

• Qindra mijëra bullgarë festojnë Ditën e Ivanit

Përgatiti në shqip dhe publikoi: Svetllana Dimitrova

Foto: BTA, BGNES