Nga dita e sotme, ushtarakët e njësisë së Gardës Kombëtare do të marrin një shpërblim mujor shtesë në shumën 200 leva (rreth 100 euro) në përgatitjen e mbajtjes së ceremonive zyrtare dhe ritualeve ushtarake, duket qartë nga një urdhëresë e shpallur në “Fletoren e Shtetit”. Për pjesëmarrje në ceremoni përfaqësuese dhe zyrtare, ngjarje protokollare dhe rituale ushtarake me rëndësi kombëtare e shtetërore, gardistët do të paguhen nga 80 leva (rreth 40 euro) secili. E njëjta shumë do të jetë edhe për rojën në godinën e administratës presidenciale.

Sipas ushtruesit të detyrës së ministrit të mbrojtjes Atanas Zaprjanov, problemi kryesor i ushtrisë sonë është mungesa e pajisjeve, duke arritur në 62% për njësinë e Gardës Kombëtare. “Shpenzimet sociale janë jetike për menaxhimin e ushtrisë”, thekson ai.

Shpërblimi bazë mujor më i ulët i ushtarakëve parashikohet nga 1 janari i këtij viti  të jetë midis 2300 leva (1176 euro) dhe 2370 leva (1211 euro).