Shkolla e Lartë Detare “Nikolla J. Vapcarov” në Varna festoi 144 vjetorin e themelimit. Gjatë të gjitha këtyre viteve institucioni arsimor ndjek tendencat për trajnime të specializuara të specialistëve në fusha të ndryshme profesionale që lidhen me transportin detar.
Iniciatori i formimit të institucionit arsimor në 1881 ishte nënkomandanti Aleksandër Konkeviç, i cili drejtonte Flotiljen dhe Njësinë Detare të Principatës së Bullgarisë. Qarkorja 7 e 16 janarit e Ministrisë së Luftës së Principatës së Bullgarisë njoftoi se nga 9 janari 1881 në Ruse u krijua një shkollë detare.
Pas vitit 1900 institucioni arsimor u zhvendos në Varna dhe u quajt Shkolla e Inxhinierisë Detare. 49 vjet më vonë, shkolla pranoi si patron poetin Nikolla Vapcarov, i cili ishte i diplomuar nga klasa e 1926-ës dhe u emërua Shkolla Detare Kombëtare “Nikola J. Vapcarov". Që nga viti 1991 quhet Shkolla e Lartë Detare “Nikola J. Vapcarov”, kujton BTA.
Shkolla e Lartë Detare ka 17 salla leksionesh dhe 51 klasa, 35 laboratorë dhe 36 zyra. Për të ofruar trajnimin e nevojshëm praktik për studentët dhe kadetët, përdoren 11 simulatorë. Në procesin edukativo-arsimor është përfshirë edhe Planetariumi, i cili mund të vizitohet edhe nga qytetarët.
Përpiloi: Gergana Mançeva
Foto: BTA, armymedia.bg, Bashkia e Varnës
Përgatiti në shqip dhe publikoi: Vesella Mançeva
Prof. Konstantinos Nihoritis është një shkencëtar me të cilin i lidhim më shumë nga burimet e zbuluara greke për veprën e Vëllezërve Kirill dhe Metodij në shkallë botërore. Një studiues dhe teolog i shquar i Bullgarëve të Vjetër me botime të shumta..
Ekspozita mobile "Sekrete dhe Mistere nga Heraklea Sintika, një Udhëtim nëpër Kohë" do të hapet më 26 maj në Muzeun Kombëtar Sllovak. Ajo do të qëndrojë në Bratislavë deri në fund të korrikut, tha për BTA drejtoresha e muzeut në qytetin e Petriçit..
Një ekspozitë foto-dokumentare me temë "Jehona globale e Kryengritjes së Prillit" do të hapet sot, 14 maj, në orën 12:30 të mesditës në Hollin e Mermertë të Asamblesë Kombëtare. Në këtë aktivitet do të marrë pjesë stërnipi i William Gladstone, Francis..