Kraishteto është një rajon në Bullgarinë Perëndimore, afër kufirit me Serbinë, i njohur për bukuritë e ruajtura natyrore. Në dekadën e fundit, ky rajon gëzon një interes në rritje në mes të turistëve. E megjithatë këtu mund të endesh për orë të tëra pa takuar askënd dhe kështu të zhytesh plotësisht në bukurinë e natyrës. Ju ofrojmë një shëtitje të shkurtër fotografike nëpër disa nga bukuritë e këtij rajoni.
Është dimër dhe bie dëborë përreth. Në një shteg të pashkelur me shenja të mrekullueshme, të financuar nga një projekt i Islandës, Lihtenshtajnit dhe Norvegjisë, ne nisemi nga fshati Zelenigrad drejt një nga atraksionet lokale - Shili Kamik.
Rruga për atje na çon pranë shtëpive të zhytura në harresë që mbajnë sekrete nga jeta e ish-banorëve të tyre.
Në mjegullën e ngrirë para syve ngrihet shkëmbi i njohur si Shili Kamik.
Në mot të kthjellët, nga Shili Kamik shpaloset një pamje e bukur panoramike e rajonit historiko-gjeografik Znepole. Për shkak të mjegullës, pamja para nesh tashmë është mjaft përrallore-misterioze.
Shumë afër nga këtu ka një tjetër fenomen - Cvetanovo izhle (kasolle, vilë) - një shkëmb në formë U-je që të kujton rrënojat e një shtëpie prej guri. Legjenda tregon se kjo ishte një shenjtërore e lashtë.
Prej këtu do të shkojmë në malin Zavallska dhe fshatin Gërllo me pusin e famshëm tempull pranë tij. Rrugës për atje kalojmë pranë digës së heshtur Krasava, e cila furnizon me ujë qytetin Breznik dhe fshatrat përreth.
si dhe pran një varreze të vjetër me kryqe me forma interesante - një më i madh ngrihet përpara, dhe pas tij disa më të vegjël, të gdhendura në një rreth. Disa i lidhin me kryqtarët, të tjerë me bogomilët.
Duke u ngjitur në një kodër të vogël, gjendemi përpara qëllimit tonë të fundit për ditën - tempullit pus mbi 3000 vjeçar, i cili nuk ka asnjë analog në Bullgari.
Ai u zbulua në vitin 1971 nga arkeologia Dimitrina Mitova-Xhonova. Ajo e lidh ndërtimin me traditën e lashtë të ndërtimit të kulturës “nuragi” në ishullin e Sardenjës, ku janë gjetur struktura të ngjashme. Në brendësi të tempullit të gërmuarnë dhe, i ndërtuar me të ashtuquajturën teknikë të ndërtimit të thatë, çon një shkallë spirale.
Ajo na çon në një dhomë me një pus në mes dhe një vrimë në tavan.
Pas gjithë bukurisë të shikuar gjatë ditës, të magjepsur nga magjia e kësaj treve, zotojmë se do të kthehemi sërish këtu.
Lexoni më shumë nga koleksioni i Radio Bullgarisë:
Përgatiti në shqip dhe publikoi: Svetllana Dimitrova
Foto: Miglena Ivanova
Për shumë njerëz, është një ëndërr të fillojnë vitin e ri mes bukurisë së qetë të një pushimoreje malore të mbuluar me borë. Vendpushimi i njohur bullgar i skive Borovec, i cili është vetëm një orë me makinë nga kryeqyteti bullgar Sofje,..
Kryeqyteti bullgar u gdhi me reshje të dendura bore dhe mbulesë dëbore të grumbulluar. Aeroporti i Sofjes funksionon normalisht në kushtet e dimrit, njoftuan për BTA nga qendra e shtypit e aeroportit të kryeqytetit. Gjithashtu kryhen..
Vjeshta i jep një bukuri të veçantë fshatit Leshten, të fshehur në shpatet perëndimore të malit Rodopa. Muret e tij prej guri duken si një strumbullar në sfondin e festës së ngjyrave të natyrës dhe ruajnë komoditetin e shtëpisë bullgare. Eleonora..
Mjegull
Mot i kthjellët
Pjesërisht me re
Vranësira të dendura