Vanja Kostova me zërin e saj engjëllor nuk është më me ne, por muzika e saj është këtu, ende e fortë, e sinqertë dhe e gjallë. Djali i Vanja - këngëtari Bojan Mihajllov - tani prezanton 15 nga këngët e saj të pa publikuara në një album "qiellor". Ai tregon se ka incizime për disa albume të tjera, por përzgjedhja e atyre në "Engjëjt mes nesh" u bë nga vetë Vanja Kostova dhe autori i muzikës dhe aranzhimit, Valeri Kostov.

Tekstet, e frymëzuara nga tema shpirtërore dhe të krishtere, janë nga disa prej poetëve më të shquar bullgarë. Poezia gjithmonë e emociononte Vanja Kostova:

“Ajo ishte një krijuese shumë produktive dhe la pas një repertor shumë të madh këngësh që ishin të një niveli të lartë artistik. Ajo vazhdimisht lexonte poezi dhe përzgjidhte me shumë kujdes tekstet e këngëve të saj. Dhe kjo dukej qartë në qëndrimin e saj ndaj çdo fjale dhe çdo tingulli. Shumë herë njerëzit më kanë thënë me admirim se kur dëgjojnë nënën time, dëgjojnë çdo fjalë dhe çdo tingull, gjë që është shumë e rëndësishme. Teksti i këngës "Engjëjt mes nesh" është i saj - ajo e shpiku" - thotë Bojan Mihajllov, duke shtuar se fjalët në këto vargje i ka dëgjuar nga ajo gjatë gjithë jetës së tij - kënga është krijuar nga frazat, mendimet dhe përvojat e saj individuale.

Redaktore: Diljana Traçeva

Përgatiti në shqip dhe publikoi: Svetllana Dimitrova