Këtë vit bëhen pesëmbëdhjetë vjet nga zbulimi i relikteve të Shën Joan Pagëzorit, Pararendësit, gjatë gërmimeve në ishullin Sozopoll nga një ekip i arkeologut Prof. Dr. Kazimir Popkonstantinov. Autenticiteti i zbulimit në mbetjet e manastirit mesjetar të Shën Joan Pagëzorit është konfirmuar në laboratorë të specializuar në universitetet e Oksfordit dhe Kopenhagës.

Me këtë rast, më 30 janar, në qytetin Vraca, Bullgaria Veriperëndimore, do të mbahet premiera e një filmi dokumentar kushtuar zbulimit të rëndësishëm, me pjesëmarrjen e Prof. Dr. Kazimir Popkonstantinov. Autori i filmit është Hristo Iliev, i cili përkujtoi para Agjencisë Telegrafike Bullgare BTA se profesori është një nga historianët, arkeologët, epigrafët dhe teologët më të mëdhenj në Evropë, fitues i çmimit Heder për merita të veçanta ndaj kulturës evropiane, si dhe qytetar nderi i Veliko Tërnovos, Varnës, Sozopoll.

Prof. Popkonstantinov do të jetë i pranishëm në shfaqjen e filmit, së bashku me këngëtarin operistik Hari Draganov, i cili ka krijuar muzikën për filmin. Për 24 vjet Draganov është solist në Operën e Gjenevës.

Lexoni më shumë në arkivin e Radio Bullgarisë:

• Mbledhja e Joan Pagëzorit, Pararendësit – një festë e lidhur me simbolikën e lashtë bullgare

• Shën Joan Pagëzori – burri më madhështor i lindur nga një grua e zakonshme