Ministri i mbrojtjes Atanas Zaprjanov niset për në Shtetet e Bashkuara më 29 janar. Ai do të marrë pjesë në dorëzimin zyrtar të avionit të parë bullgar F-16 Block 70, që do të bëhet më 31 janar 2025 në bazën industriale të kompanisë prodhuese Lockheed Martin në Greenville, Karolina e Jugut. Në prani të menaxhmentit të Lockheed Martin, përfaqësuesve të Kongresit Amerikan, zyrtarëve të Pentagonit, diplomatëve, zyrtarëve të lartë ushtarakë bullgarë dhe amerikanë, F-16 Block 70 do t'i dorëzohet zyrtarisht Bullgarisë. Ai është i pari nga gjithsej 16 avionë të rinj luftarakë që Bullgaria do të marrë në përmbushje të dy kontratave të nënshkruara në 2019 dhe 2022, respektivisht, dy avionët e parë pritet të zbarkojnë në territorin bullgar në prill 2025.