Ideja që shteti të marrë të vetmen rafinerinë e naftës në Bullgari - "Lukoil Neftohim" në Burgas, e propozuar më 29 janar nga "DPS-Fillimi i Ri" dhe partia MEÇ, ndau formacionet e përfaqësuara në parlament. Propozimi u hodh poshtë nga GERB dhe "Po e vazhdojmë ndryshimin". Lideri i DPS-Fillimi i Ri, Deljan Peevski dhe bashkëkryetari i "Po e vazhdojmë ndryshimin", Kiril Petkov, bënë akuza të ndërsjella. Deljan Peevski dëshiron të bëjë të njëjtën gjë me “Lukoil” siç bëri me kompaninë dikur fitimprurëse “Bullgartabak”, e cila u falimentua. Kështu iu përgjigj bashkëkryetari i PP-së Kirill Petkov akuzave të liderit të “DPS-Fillimi i Ri” se po përpiqet të rregullojë shitjen e “Lukoil Neftohim” kompanive amerikane, konsulent i të cilave është. "Imagjinoni nëse t'i jepnim këtij personi kontrollin mbi Lukoilin përmes parave të shtetit, të emërojë ndonjë bos për të menaxhuar të ashtuquajturën ndërmarrje shtetërore dhe në fakt të dështojë jo vetëm Lukoilin, jo vetëm vendet e punës, por edhe Burgas të ndjekë rrugën e qytetit Bllagoevgrad, i cili nuk është rikuperuar ende nga humbja e një punëdhënësi kaq të madh si “Bullgartabak", komentoi Petkov.

• Dy parti opozitare kërkuan që shteti të blejë “Lukoil” në Burgas