Do të flasim për mjetet e mbrojtjes. Jemi të mendimit se derisa një numër i konsiderueshëm vendesh të arrijë në 2%, është ende herët të flitet për rritje. Kështu deklaroi kryeministri Rosen Zheljazkov gjatë hyrjes në takimin joformal të liderëve të BE-së, i cili po mbahet në Bruksel. “Ju e dini se Bullgaria me blerjen e avionëve F-16 arriti në 3% të PBB-së, kështu që ne i kemi tejkaluar objektivat e vendosura nga BE-ja”, tha gjithashtu kryeministri, cituar nga korrespondentja e BNR në Bruksel, Angelina Piskova.

"Bullgaria është midis Ballkanit Perëndimor dhe Detit të Zi - rajone të vështira dhe të tensionuara. Ne do të flasim nga këndvështrimi i Bullgarisë për përdorimin e dyfishtë të infrastrukturës së transportit - Korridori 8, drejtimet Adriatiku - Deti i Zi dhe lidhja Deti Baltik - Deti i Zi" - njoftoi gjithashtu  Zheljazkov.