Më 17 shkurt 2025 mbushen 17 vjet nga shpallja e pavarësisë së Kosovës. Në këtë ditë në vitin 2008 Kosova u bë shteti më i ri në botë pas shpalljes së Deklaratës së Pavarësisë së Kosovës nga shumica e deputetëve të Kuvendit të Kosovës dhe Presidenti i atëhershëm Fatmir Sejdiu. Vendimi për njohjen e shtetit të ri ballkanik nga Bullgaria u deklarua që ditën pasi Kosova e shpalli pavarësinë e vet, por kjo ndodhi zyrtarisht rreth një muaj më vonë, më 20 mars të vitit 2008, me një deklaratë të përbashkët të Bullgarisë, Kroacisë dhe Hungarisë.

Me kalimin e viteve bashkëpunimi midis dy vendeve tona po thellohet dhe po zgjerohet gjithnjë e më shumë. Edhe sot Bullgaria po vazhdon të japë mbështetjen e saj për integrimin evropian të Kosovës dhe për forcimin e statusit ndërkombëtar të këtij vendi.

Ju ofrojmë disa prej momenteve më të rëndësishme gjatë vitit të kaluar 2024 në marrëdhëniet mes dy vendeve tona në fusha të ndryshme të jetës sonë:

Në politikë:

• Ministritë e brendshme të Bullgarisë dhe Kosovës po forcojnë kontaktet e drejtpërdrejta

• Një kontingjent nga forcat e armatosura bullgare filloi pjesëmarrje në operacionin e KFOR-it në Kosovë

• Përcjellin kontingjentin bullgar në Kosovë me një ritual solemn

• Prishtina ka mbështetje nga Sofja për anëtarësimin e ardhshëm të Kosovës në NATO

• Bullgaria dërgoi një kontingjent ushtarak për të mbështetur KFOR-in në Kosovë

• Presidenti u takua me përfaqësues të bullgarëve në Kosovë

• Bullgaria vazhdon mbështetjen e saj për integrimin evropian të Kosovës

• U nis një kontingjent i radhës bullgar prej 100 ushtarakësh në misionin e NATO-s në Kosovë

• Ambasadori i Kosovës Haxhi Bajraktari falënderoi shtetin bullgar për qëndrimin e tij konsistent në mbështetje të paqes

• Ministritë e brendshme të Bullgarisë dhe të Kosovës po zhvillojnë bashkëpunim

Në ekonomi:

• Një kompani bullgare do të rinovojë termocentralin kryesor në Kosovë

• Kosova do të vazhdojë të punojë për integrimin ekonomik në BE dhe në Ballkan

Në kulturë:

• Bullgaria dhe Kosova do të bashkëpunojnë në kinematografi

• Aktori dhe regjisori bullgar Marius Donkin u nderua në një festival teatror në Prishtinë

Urime Dita e Pavarësisë!

Foto: arkiv, Anna Kapitanova