Dy artistë të gjeneratave të ndryshme, por me një vizion të ngjashëm muzikor, takohen në një duet – këta janë Grafa dhe Dara Ekimova, dhe kënga e tyre e përbashkët është “Asnjë moment”. Grafa krijoi ritmin dhe një pjesë të melodisë ndërsa përfundonte albumin e tij të ri. I frymëzuar nga stili unik i Dara Ekimovës, ai e ftoi atë t'i bashkohej projektit dhe ajo kompozoi muzikën për vargun e saj. Tekstin e shkruan të dy bashkë, duke e kthyer këngën në një dialog të vërtetë muzikor.
"Unë jam një fans i Dara Ekimovës. Më pëlqen thellësia dhe emocionaliteti i zërit dhe muzikës së saj," tha Grafa, duke shtuar: "Kur një artist është i sinqertë dhe i vërtetë, nuk mund të mos jetë thellësisht prekës. Dara është gjithashtu një autore këngësh e shkëlqyer, me një dhunti për melodi të paharrueshme dhe një vizion të qartë për zhvillimin e saj."
“Është një nder për mua të jem pjesë e kësaj kënge të bukur së bashku me Grafa”, tha nga ana e vet Dara Ekimova – Grafa është një frymëzim i vërtetë - një novator, një autor i madh që nuk ka frikë të eksperimentojë. Dhe mbi të gjitha – është një person i jashtëzakonshëm."
Kënga “Asnjë moment” ka edhe një video mbresëlënëse, të xhiruar nga Kris Zahariev. Ja se çfarë thotë ai: "Videoja paraqet një kërkim paralel për veten, frymëzuar nga filmat e fillimit të mijëvjeçarit të ri. Prandaj u mbështetëm në një estetikë retro - televizorë të vjetër, telekomandë dhe kamera analoge që rikrijojnë frymën e asaj kohe."
Foto: Facebook /Dara Ekimova, YouTube
Përgatiti në shqip dhe publikoi: Vesella Mançeva
Më 1 korrik 2025, Opera Shtetërore – Stara Zagora shënoi 100-vjetorin e saj. Në programin e dedikuar për këtë përvjetor të rëndësishëm, trupa e parë operistike jashtë kryeqytetit në Bullgari përfshiu dhjetë premiera, shfaqje të Studios për Fëmijë dhe..
Veprat e shquara të Stajnovit: "Legjendë", "Përrallë", "Ballkan", "Trakia", "Skerco Simfonik" skicojnë karakteristika thelbësore të simfonizmit bullgar nga vitet ’20 deri në vitet ’40 të shekullit të kaluar. Por "Vallëzime Trake" ka një vend të..
Një ngjarje e re muzikore organizohet për herë të parë më 22 dhe 23 gusht. Në qytetin Hisarja do të zhvillohet edicioni i parë i Jazz Fest Hisarja. Si pjesë e strategjisë së përgjithshme të komunës për zhvillimin e jetës kulturore dhe turizmit,..
Më 1 korrik 2025, Opera Shtetërore – Stara Zagora shënoi 100-vjetorin e saj. Në programin e dedikuar për këtë përvjetor të rëndësishëm, trupa e parë..