Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Shpallim ditën e martë ditë zie kombëtare për viktimat në Maqedoninë e Veriut

Foto: AP/BTA

E marta do të jetë ditë zie kombëtare si shprehje solidariteti me fqinjin tonë më të afërt në Ballkan, deklaroi kryeministri Rosen Zheljazkov. Një zjarr në një diskotekë në qytetin maqedonas të Koçanit vrau 59 persona dhe plagosi 155 të tjerë.

Kryeministri shprehu ngushëllimet e tij për familjet e viktimave. “Në momente të tilla është më e rëndësishme të tregohet me kohë empatia dhe solidariteti. Bullgaria është e gatshme të pranojë më shumë persona të plagosur," tha ai.

14 persona të lënduar nga zjarri tashmë po trajtohen në spitalet në Sofje, Plovdiv dhe Varna. Rosen Zheljazkov kujtoi gjithashtu se vendi ynë ka siguruar kushte për të afërmit e viktimave - ata mund të mbërrijnë këtu dhe të mbajnë kontakte me të afërmit e tyre.

Informacioni aktual për gjendjen e viktimave do të jepet në objektet mjekësore: në Spitalin Urgjent “Pirogov” në Sofje – në orën 20:00 dhe 13:30 para Repartit të Mjekimit Intensiv të Klinikës së Djegieve, në Spitalin e Varnës të Akademisë Mjekësore Ushtarake – në orën 21:00 dhe në orën 12:00, dhe në spitalin “Shën Georgi - Plovdiv” – nga ora 8.30 deri në 09.00, dhe nga ora 17:00 deri në 17:30.

Ndërkohë, Ministria e Shëndetësisë ka hapur linjën telefonike 24 orëshe 02/ 8050 300, e cila jep informacion vetëm për objektin mjekësor ku janë vendosur pacientët e transportuar në Bullgari.

Lexoni më shumë nga arkivi ynë:


Последвайте ни и в Google News Showcase, за да научите най-важното от деня!

Më shumë nga rubrika

Ditë zie kombëtare në Bullgari, në kujtim të viktimave të Koçanit

18 mars 2025 është një ditë zie kombëtare në kujtim të viktimave që vdiqën në rrethana tragjike në qytetin Koçani, Republika e Maqedonisë së Veriut. Vendimi për këtë u mor dje nga Këshilli i Ministrave. Qeveria bullgare shpreh ngushëllimet e..

botuar më 25-03-18 9.11.PD

Parashikimi i motit për 18 marsin

Gjatë natës do të fillojë të fryjë erë nga veri-verilindja, do të forcohet dhe bashkë me të do të vazhdojë të depërtojë edhe një ajër i ftohtë. Të martën do të mbizotërojë mot me vranësira. Në shumë vende do të ketë reshje bore, në Ultësirën e..

botuar më 25-03-17 7.30.MD
 Aleksandër Xhartov

Tragjedia në qytetin maqedonas Koçani provokoi aksione parandaluese në Bullgari

Zjarri në një diskotekë në qytetin maqedonas Koçani, ku humbën jetën 59 të rinj dhe mbi 150 u plagosën, provokoi veprime parandaluese të autoriteteve në Bullgari. Zjarrfikësit po nisin inspektime shtesë në rreth 260 objekte në të gjithë Bullgarinë,..

botuar më 25-03-17 6.38.MD