Zjarri në një diskotekë në qytetin maqedonas Koçani, ku humbën jetën 59 të rinj dhe mbi 150 u plagosën, provokoi veprime parandaluese të autoriteteve në Bullgari. Zjarrfikësit po nisin inspektime shtesë në rreth 260 objekte në të gjithë Bullgarinë, kryesisht diskoteka. Pajtueshmëria me kërkesat e evakuimit dhe kontrollit të zjarrit do të monitorohet që të mos ketë sende ose objekte të ndezshme në daljet e evakuimit, njoftoi drejtori i departamentit të zjarrit, kryekomisioneri Aleksandër Xhartov: "Objektet i nënshtrohen kontrollit gjatë projektimit, gjatë ndërtimit dhe gjatë funksionimit të tyre të mëvonshëm. Ne në mënyrë periodike, domethënë çdo vit, kryejmë kontrolle të tilla. planifikohet që në momentin aktual të nisin kontrolle të tilla, që këto objekte të kontrollohen sërish."

Nga ana e saj, Ministria e Arsimit dhe Shkencës ka në plan të fillojë trajnimin e mësuesve bullgarë për të realizuar diskutime me nxënësit mbi tema të rëndësishme sociale. Do të forcohet edhe roli edukativ i shkollës, tha ministri Krasimir Vëllçev: “Biseda që formojnë një qëndrim dhe barriera të brendshme te ta dhe për tema si shpërndarja dhe përdorimi i drogës dhe substancave të tjera dehëse dhe për temën se ku shkojnë në mbrëmje dhe në cilat vende. Kështu që ky është funksioni edukativ i shkollës dhe ne duhet ta forcojmë atë. Ne duhet të forcojmë funksionin edukativ duke ndryshuar programet mësimore - çdo mësues edukon në çdo orë mësimi. Edhe prindërit duhet të kenë kujdes se ku shkojnë fëmijët e tyre në mbrëmje”, kujtoi ministri i arsimit.

Lexoni më tepër:

• Shpallim ditën e martë ditë zie kombëtare për viktimat në Maqedoninë e Veriut