Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

"Rigoletto" është premiera e parë e operës në vitin e përvjetorit të Operës së Stara Zagorës 2025

4
Prova e "Rigoletto" me orkestrën
Foto: operasz.bg

Opera më e vjetër jo-kryeqytetëse në Bullgari – Opera e Stara Zagorës, e cila feston një përvjetor mbresëlënës këtë sezon krijues, paraqet kryeveprën e Verdit "Rigoletto" më 28 dhe 29 mars. Ekipi i produksionit drejtohet nga këngëtari dhe dirigjenti i operës me famë botërore José Cura, regjisori është Ognjan Draganov, artisti rumun Cătălin Ionescu Arbore është autor i skenografisë dhe kostumeve, ndërsa drejtuesi i korit është Mlladen Stanev.

Boris Taskov /Duka/, Elia Fabbian /Rigoletto/

Në dy netët premierë, rolet kryesore do të luajnë Kirill Manollov dhe italiani Elia Fabbian në rolin e Rigoletto, Emilia Ivanova dhe Simona Kodeva, si Gilda, Matteo Falcier dhe Boris Taskov, si Duka, Daniella Djakova dhe Tereza Brakallova, si Madalena, dhe Aleksandër Marulev, si Sparafucile.

José Cura

Duka i “Rigoletto” nuk është në repertorin e tenorit të famshëm José Cura, por për dirigjentin kjo partiturë është një sfidë e vërtetë. Kur drejtori i Operës së Stara Zagorës Ognjan Draganov i ofroi yllit botëror të merrte pjesë në produksionin e ri të "Rigoletto" si regjisor, José Cura zgjodhi të drejtojë. Para se të bëhet artist operistik, ai është diplomuar për dirigjim dhe kompozim dhe në vitet më aktive të karrierës së tij si këngëtar ka drejtuar shpesh koncerte serioze simfonike. Sot, José Cura mund të mburret me arritje të jashtëzakonshme si regjisor, skenograf dhe kostumograf.

Regjisori Ognjan Draganov me Matteo Falcier /Duka/

Regjisori Ognjan Draganov dhe artisti Cătălin Ionescu Arbore - një tandem krijues i dëshmuar, po kërkojnë përsëri një këndvështrim tjetër mbi dramën e njohur të Verdit. Skenografia është shumë e pastër, zgjidhjet janë moderne – si në skenë, ashtu edhe në kostume, por mjetet shprehëse janë klasike. 

Prapa skenave - aksesorë unikë të punuar me dorë - kapele, maska, kurora

"Kjo është hera e pestë që punoj këtu, në Operën Shtetërore - Stara Zagora," thotë Cătălin Ionescu Arbore. "Edhe këtë herë mund të shfrytëzoj të gjitha mundësitë teknike të skenës, gjë që është e mrekullueshme për mua për të çliruar imagjinatën time. Luaj me ngjyrat për të treguar luftën midis jetës dhe vdekjes, çfarë është e mirë, çfarë është e keqe", thotë artisti dhe sqaron: "për shembull, e kuqja, e cila shpërndahet kudo në skenë, sjell dramë të fortë!"


Mësoni më shumë për Operën e Stara Zagorës nga arkivi i Radio Bullgarisë:

Përpiloi: Cvetana Tonçeva

Foto: Opera Shtetërore - Stara Zagora

Përgatiti në shqip dhe publikoi: Vesella Mançeva



Последвайте ни и в Google News Showcase, за да научите най-важното от деня!

Galeria

Më shumë nga rubrika

Më 24 maj, këngëtarja e njohur Lili Ivanova do të këndojë në Sallën “Olimpia” në Paris

Lili Ivanova do të këndojë për herë të dytë në sallën “Olimpia”. Koncerti parashikohet për më 24 maj 2026 dhe zhvillohet nën patronazhin e presidentit Rumen Radev, njofton ekipi i këngëtares më të madh të muzikës bullgare pop. Lili Ivanova..

botuar më 25-11-18 1.44.MD

“Pa ty” – kënga e parë e përbashkët e Grupit “Horizont” dhe këngëtares Mariana Popova

Muzikantët e Grupit “Horizont” dhe këngëtarja Mariana Popova regjistruan një këngë të përbashkët – “Pa ty”. “E njohim Marianën që nga koha kur ajo këndonte në një grup shumë të fortë “Kokomania”. Që atëherë na është bërë e preferuara jonë – me..

botuar më 25-11-18 6.10.PD

Mary Boys Band feston 30 vjetorin me një orkestër të madhe simfonike

Eventi i radhës me të cilin grupi Mary Boys Band shënon 30-vjetorin e tij është një koncert me një orkestër të madhe simfonike në sallën “Bullgaria” në Sofje më 21 nëntor. Këngëtarja në grup, Maria Mutafçieva – Mary, pranon se kjo ka qenë një..

botuar më 25-11-17 6.00.PD