Presidenti Rumen Radev priti me një ceremoni zyrtare në sheshin “Shën Aleksandër Nevski” në Sofje, Mbretin Abdullah II të Jordanisë, i cili me ftesë të kreut të shtetit bullgar ndodhet për vizitë zyrtare në Bullgari, njoftoi BTA. Pas kësaj, Rumen Radev dhe Abdullah II u takuan “ballë për ballë”. Në program janë përfshirë bisedime plenare ndërmjet delegacioneve zyrtare të dy vendeve. Në fokus të takimit të dy krerëve të shteteve në Sofje pritet të jenë perspektivat për zhvillimin e marrëdhënieve dypalëshe midis Bullgarisë dhe Jordanisë në ekonomi, mbrojtje, shkencë dhe arsim, bujqësi dhe turizëm, tema nga agjenda ndërkombëtare në fushën e sigurisë.

Në ditën e dytë të vizitës, presidenti Rumen Radev dhe Mbreti Abdullah II do të presin një takim të nivelit të lartë në Sofje në kuadër të nismës së Procesit Akaba. Krerët e shteteve, përfaqësues të qeverive, organizatave ndërqeveritare dhe joqeveritare do të diskutojnë mjedisin e sigurisë me fokus Ballkanin.