Bullgari gjithmonë i trajtonte kafshët shtëpiake me mirënjohje dhe respekt. Kali, kau, gomari, lopa ishin partnerët dhe ndihmësit më besnikë të popullit tonë në punën fushore që nga koha të lashta. Depërtimi i mekanizimit dhe teknologjisë hoqi rolin e kafshëve në oborr, por kjo nuk do të thotë se bullgari u shkëput nga kafshët shtëpiake. Pa iu referuar statistikave zyrtare, vëzhgimet tregojnë se në çdo shtëpi bullgare jeton ndonjë racë qeni apo mace. Shumë shpesh prindërit kujdesen që fëmija i tyre të jetojë me një lloj kafshe sepse sipas tyre kjo ndihmon në rritjen. Kështu, kafsha është sërish në rolin e një anëtari të patjetërsueshëm të familjes dhe çdo informacion për abuzimin me kafshët në shoqërinë tonë shkakton dhimbje dhe zemërim në ndërgjegjen masive.
Një tjetër rast tronditës i abuzimit brutal të kafshëve, i cili u bë i njohur si "Rasti i Pernikut", bëri që dhjetëra qytetarë të protestojnë para institucioneve në Sofje, Pernik, Veliko Tërnovo dhe qytete të tjera. Me thirrjet "Reformë!" ata kërkuan që të bëhen ndryshime në Kodin Penal në lidhje me abuzimin me kafshët. Ata gjithashtu duan një kontroll më të fortë mbi platformat online që shpërndajnë video materiale me abuzime me kafshët, siç u zbuluan në Pernik.
“Me shumë gjasa që këta lloj njerëzish si dy dhunuesit e Përnikut dhe të tjerë të lidhur në rrjet të mos ndalen me kaq. Ata me shumë gjasa do të kalojnë në torturimin e njerëzve dhe ne nuk kemi asnjë garanci se kjo nuk ka ndodhur tashmë”– thotë Petja Alltimirska, nga Shoqata Civile “THUAJ”, e cila arrii të mbledhë prova të përshtatshme për rastin në Pernik dhe t’ia dorëzojë policisë.
“Fatkeqësisht, ligji nuk është i shkruar sa duhet dhe nuk garanton që vetëm për abuzimin e kafshëve dhe për shkaktimin e lëndimit të rëndë trupor dhe vdekjes së një vertebrori, kryesi do të marrë një dënim të drejtë. Tashmë gjithçka varet nga autoritetet hetimore, bazuar në të gjitha provat që mblodhëm paraprakisht, që para daljes së sinjalit. Edhe pas arrestimit të dhunuesve u gjetën shumë prova të tjera. Shpresojmë që kjo të jetë baza më e mirë për arritjen e dënimeve maksimale për të paraburgosurit. Problemi është se nuk ka norma të shkruara mjaftueshëm në Kodin Penal – maksimumi 5 vjet mund të jepet si dënim për dy dhunuesit.”
Bullgaria aktualisht është e përmbytur nga protesta për shkak të krimeve të pandëshkuara kundër kafshëve. Protesta të tilla masive do të ketë edhe më 12 dhe 13 prill në Sofje, thonë nga Shoqata “THUAJ”. Dhe arsyeja është se ende ka shumë sinjale për keqpërdorues të kafshëve për të cilët nuk ka dënim të drejtë. “Jo vetëm që nuk janë të dënuar, por një pjesë e madhe e tyre nuk janë të hetuar fare nga autoritetet” – shpjegon Petja Alltimirska.
“Në rastin konkret në shqyrtim kemi disa lloje të ndryshme krimi, jo vetëm për plagosjen e një vertebrori, por edhe për pastrim parash, bashkim kriminal, shpërndarje të përmbajtjeve pornografike etj. Pra, ne po vëzhgojmë me shumë vëmendje se çfarë po ndodh me këtë proces tani dhe apeli ynë kryesor ndaj gjykatës, pasi kryerësit të jenë akuzuar, është që procesi të jetë publik. Ne duam që njerëzit në shoqëri të shohin realisht se si do të gjykohet, si do të punohet dhe çfarë lloj dënimi do të ketë për kryerësit e tillë.”
Nga eksperienca e saj në Shoqatën "THUAJ", Petja Alltimirska na kujton një tjetër fakt të rëndësishëm para të cilit shoqëria jonë nuk duhet të mbyllë sytë - pas secilit prej rasteve të njohura të dhunës brutale ndaj fëmijëve dhe të rriturve, zakonisht fshihet një histori abuzimi me kafshët në të kaluarën e dhunuesit. Prandaj, kur njerëzit vërejnë një dhunë të tillë, ata nuk duhet të qëndrojnë kurrsesi joaktivë, por duhet të japin sinjal në prokurori dhe Ministrinë e Brendshme, edhe të insistojnë në shqyrtimin serioz të çështjes.
Fatkeqësisht, për momentin, as zoo-policia dhe as autoritetet e Ministrisë së Punëve të Brendshme nuk kanë një burim mjaftueshëm të pasur dhe nuk janë mjaftueshëm kompetentë që të mund t'i përgjigjen në kohë valës së raportimeve për abuzime të pahetuara me kafshët - thekson edhe Petja Alltimirska, e cila shton se shoqata e saj civile merr dhjetëra raportime sesi disa nga autoritetet nuk po e bëjnë punën e tyre.
“Ministria e Punëve të Brendshme ka angazhimin kur bëhet fjalë për hetimin e krimeve dhe parandalimin e tyre” - thotë inspektori Kamen Nikollov nga sektori “Krimet kundër mjedisit jetësor dhe natyrës së egër”, departamenti “Policia Ekonomike” në Drejtorinë e Përgjithshme të Policisë Kombëtare. Sipas tij, qytetarët kanë pritshmëri jo reale ndaj Ministrisë së Punëve të Brendshme - “nuk ka gjasa që ne të kryejmë kontrollin administrativ sipas Ligjit për Mbrojtjen e Kafshëve dhe Veprimtarinë Mjekësore Veterinare”.
“Ne u reagojmë sinjaleve, por kemi kompetenca vetëm kur bëhet fjalë për krime konkrete. Atëherë zbatohet Kodi i Procedurës Penale. Si ish-punonjës i “Zoopolicisë dhe Kinologjisë”, kam kryer kontrolle të shumta në të cilat ka pasur të dhëna se autoritetet policore nuk kanë reaguar siç duhet, por në praktikën time vetëm një rast ka rezultuar i justifikuar. Të gjitha rastet e tjera kishin të bëjnë me pritshmëri tepër të fryra ose joreale nga ana e qytetarëve.”
Ka shpresë që vjen nga fakti se shoqëria tani po tregon intolerancë ndaj të gjitha rasteve të dhunës. Situata u bë e padurueshme dhe kjo provokon një valë propozimesh për ndryshime në Kodin e Procedurës Penale, në sistemin e marrjes së sinjaleve, në punën e organeve të kontrollit, të gjykatës dhe të prokurorisë. Në të gjithë zinxhirin janë të evidentuar një sërë të metash dhe problemesh dhe ato mund të përballohen vetëm me një politikë dhe përkushtim të përhershëm dhe konsekuent nga ana e shtetit – mendojnë nga Shoqata Civile “THUAJ”.
Përgatiti në shqip dhe publikoi: Svetllana Dimitrova
Foto: BTA, BGNES, Pixabay, Ani Petrova
1 prilli u shpall Dita Ndërkombëtare e Zogjve në vitin 1906, në bazë të Konventës për Mbrojtjen e Zogjve të Rrallë. Data është një simbol i përgjegjësisë së njerëzimit për të mbrojtur dhe ruajtur kafshët e egra. Sot - 119 vjet pas shpalljes së saj, në..
Mes natyrës së egër të Rodopeve Lindore, në rajonin e qytetit të Kërxhalit, shtrihet Rezervati Shtetëror i Gjuetisë “Zhenda”. Ky është një nga vendet më të bukura dhe piktoreske në këtë pjesë të Bullgarisë. Së bashku me tufat e mëdha të muflonëve, këtu..
Njeriu po liron gjithnjë e më shumë hapësira për teknologjitë, të cilat ai i menaxhon me aftësi dhe i mban nën kontrollin e tij. Në këtë hapësirë të përbashkët, me hapa të shpejtë, po gjen vend inteligjenca artificiale. AI, siç e quajmë shkurt, vitet e..
Mes natyrës së egër të Rodopeve Lindore, në rajonin e qytetit të Kërxhalit, shtrihet Rezervati Shtetëror i Gjuetisë “Zhenda”. Ky është një nga vendet më..
Njeriu po liron gjithnjë e më shumë hapësira për teknologjitë, të cilat ai i menaxhon me aftësi dhe i mban nën kontrollin e tij. Në këtë hapësirë të..
1 prilli u shpall Dita Ndërkombëtare e Zogjve në vitin 1906, në bazë të Konventës për Mbrojtjen e Zogjve të Rrallë. Data është një simbol i përgjegjësisë..