Në ekipin kombëtar në kampionate, turne dhe kampe, komunikimi duhet të bëhet në gjuhën zyrtare të vendit - bullgarisht. Kështu vendosi në një mbledhje Bordi Drejtues i Federatës Bullgare të Mundjes, të cilën në muajin mars e drejtoi mundësja më e suksesshme bullgare, Stanka Zllateva. “Të gjitha deklaratat zyrtare, përfshirë ato për mediat, duhet të bëhen në gjuhën bullgare dhe të shprehin vetëm qëndrim ndaj Republikës së Bullgarisë, institucioneve zyrtare të Republikës së Bullgarisë, Federatës Bullgare të Mundjes, duke përfshirë simbolet e Republikës së Bullgarisë – stemën, flamurin dhe himnin”, thuhet në vendim. Deri në tre të huaj, përfshirë shtetas të natyralizuar, por jo më shumë se dy në çdo stil të caktuar, do të mund të regjistrohen në një klub për vitin 2026.

Në janar, një numër klubesh bojkotuan kampionatin shtetëror në mundjen klasike me akuzat se mundësit e natyralizuar janë toleruar në Bullgari. Kujtojmë se dy kampionët tanë të fundit olimpik në mundje - Magomed Ramazanov (në stilin e lirë) dhe Semen Novikov (në stilin klasik) janë natyralizuar. Trajneri i kombëtares sonë në stilin klasik është rusi Sosllan Farniev, prandaj në skuadër flitet kryesisht rusisht.

• Bullgaria priti me dafina kampionët e saj olimpik të mundjes Semen Novikov dhe Magomed Ramazanov