Njëqind ditë pas fillimit të punës, qeveria e Rosen Zheljazkov gëzon miratimin e 19.2për qind të qytetarëve bullgarë, ndërsa 66 për qind e tyre shprehin një qëndrim negativ, sipas të dhënave nga Agjencia Sociologjike "Mjara". Qëndrime të ngjashme shprehen edhe ndaj Kuvendit Popullor, i cili merr miratimin e 15.2 për qind, ndërsa 75.1 për qind mbajnë mendimin e kundërt. Në këtë sfond, qëndrimi ndaj presidentit Rumen Radev duket kontrastues, komenton agjencia sociologjike - 49.4 për qind e njerëzve kanë një qëndrim pozitiv, ndërsa 35.4 për qind kanë një qëndrim negativ.

Nëse zgjedhjet do të mbaheshin në mesin e prillit, rezultatet do të ishin të ngjashme me ato të votimit në vjeshtën e vitit të kaluar – koalicioni GERB-SDF do të merrte 26.4 për qind të votave, “Po e vazhdojmë ndryshimin – Bullgaria Demokratike” – 14.2 për qind, “Vëzrazhdane” – 13.3 për qind, “DPS – Fillimi i Ri” – 10.3 për qind, “Aleanca për të Drejtat dhe Liritë” – 7.1 për qind, BSP – 6.7 për qind, “Ka një popull të tillë” – 6.3 për qind, “Moral, Unitet, Nder” – 6.2 për qind dhe “Madhështi” – 4.3 për qind.

Sondazhi i Agjencisë "Mjara" u krye "ballë për ballë" me tableta ndër 807 qytetarë të rritur bullgarë. 1për qind e mostrës është e barabartë me rreth 54 mijë veta.