“I vlerësojmë 100 ditët e para të qeverisjes së kabinetit si të suksesshme dhe deklarojmë mbështetjen tonë për punën e tij gjatë sesionit të ri”, tha Toma Bikov në parlament në emër të grupit parlamentar të GERB-it. Dy votat e mosbesimit kanë nxjerrë në pah dy fakte të rëndësishme. "E vetmja alternativë e qeverisë aktuale është një krizë politike. Formacionet që mbështesin votat e mosbesimit nuk kanë mbështetje të mjaftueshme në shoqëri.Është e dukshme pamundësia e tyre për të gjetur gjuhë të përbashkët me njëri-tjetrin përtej armikut të përbashkët - qeverisë. Në këtë moment, ata mund të jenë vetëm një korrigjues për qeverinë, por nuk kanë potencialin për të formuar të vetën”, theksoi deputeti. Fakti i dytë është se ekziston një shumicë e fortë pro-evropiane në parlament, e cila nuk mund të përcaktojë veten dhe të veprojë e bashkuar në kohë transformimesh gjeopolitike që kanë ndikim në shoqërinë bullgare, tha edhe Bikov. GERB do të mbajë një sjellje të ekuilibruar dhe do t’i dëgjojë jo vetëm partnerët e saj, por edhe opozitën, premtuan nga partia bashkëqeverisëse.