Bullgaria dhe 15 vende të tjera të Bashkimit Evropian i dërguan një letër Kaja Kallas, përfaqësuese supreme të BE-së për Punët e Jashtme dhe Politikën e Sigurisë, duke i bërë thirrje asaj të fillojë një angazhim të përbashkët diplomatik me qëllim formimin e një mbështetjeje të gjerë globale për një armëpushim në Ukrainë, njoftoi Ministria e Punëve të Jashtme në përgjigje të një pyetjeje të BTA-së. “Një armëpushim do të shërbente si një hap jetësor në zvogëlimin e vuajtjeve të popullsisë civile dhe do të hapte hapësirë për negociata kuptimplote paqeje që synojnë t’i japin fund luftës agresive të Rusisë dhe të arrijnë një paqe gjithëpërfshirëse, të drejtë dhe të qëndrueshme”, thuhet në letër. Në letër theksohet, se Rusia i hedh poshtë thirrjet "pa asnjë tregues të një dëshire të vërtetë për të ndaluar agresionin e saj të paligjshëm dhe të paprovokuar kundër Ukrainës". Sipas pesëmbëdhjetë vendeve, BE-ja ka një interes strategjik në forcimin e mbështetjes globale për një propozim për armëpushim. "Kontaktet me vendet e treta duhet të forcohen për të siguruar mbështetjen e tyre për këtë iniciativë. Shumë vende mbajnë lidhje të ngushta me Moskën, të cilat mund të shfrytëzohen për të rritur presionin diplomatik mbi Rusinë", thuhet gjithashtu në letrën drejtuar Kaja Kallas.
Redaktoi: Diana Cankova
Përgatiti në shqip dhe publikoi: Svetllana Dimitrova
Foto: BTA
Po lançohet një faqe e re interneti që do të shërbejë si një dosje e hapur mbi shkeljet e të drejtave të bullgarëve në Maqedoninë e Veriut, raportoi tribuna.mk. Në https://supportbginmk.eu/ , mblidhen dhe publikohen informacione mbi rastet e..
Gjithnjë e më shumë studentë të huaj kanë zgjedhur universitetet dhe institucionet e arsimit të lartë bullgar në vitet e fundit, sipas një ankete të BTA-së mbi menaxhimin akademik. Interesi në rritje i detyrohet jo vetëm tarifave, por edhe cilësisë së..
Të shtunën , temperaturat minimale do të jenë nga 11 deri në 18°. Në Sofje, do të jetë 11°. Gjatë ditës do të mbizotërojë mot me diell. Para mesditës, do të ketë vranësira më të konsiderueshme mbi Bullgarinë Qendrore Veriore dhe Srednogorie,..
Po lançohet një faqe e re interneti që do të shërbejë si një dosje e hapur mbi shkeljet e të drejtave të bullgarëve në Maqedoninë e Veriut, raportoi..
Gjithnjë e më shumë studentë të huaj kanë zgjedhur universitetet dhe institucionet e arsimit të lartë bullgar në vitet e fundit, sipas një ankete të..