Në audiencën në Pallatin Apostolik në Vatikan, Kryeministri Rosen Zheljazkov i dhuroi Papës Leoni XIV një omofor të punuar posaçërisht - një veshje liturgjike, një simbol i autoritetit shpirtëror dhe episkopal, raportoi zyra e shtypit e Presidentit. Në paraqitjen e tij të fundit publike për Pashkë, i ndjeri Papa Françesku u shfaq me një omofor të ngjashëm - një dhuratë gjatë vizitës së tij në Bullgari në vitin 2019.
Kryeministri i dhuroi gjithashtu Sekretarit të Shtetit të Vatikanit, Kardinalit Pietro Parolin, një ikonë me imazhin e Shën Princit Boris-Mihaill – Pagëzorit të popullit bullgar.
"Ne biseduam për të gjitha temat e rëndësishme - nga ato që lidhen me besimin deri te temat që lidhen me axhendën aktuale", tha Rosen Zheljazkov pas audiencës me Papën. U diskutua gjithashtu lufta në Ukrainë, si dhe roli i Vatikanit si ndërmjetës në negociatat e paqes. "Ne madje folëm për inteligjencën artificiale dhe dimensionet e saj, se si virtytet njerëzore nuk duhet të zëvendësohen nga mjedisi virtual", shtoi ai.
Kryeministri kryeson delegacionin bullgar për vizitën tradicionale në Romë dhe Vatikan në prag të 24 majit, Ditës së Vëllezërve të Shenjtë Kiril dhe Metodi, Alfabetit, Arsimit dhe Kulturës Bullgare dhe Letërsisë Sllave.
Më vonë, Kryeministri Rosen Zheljazkov vizitoi Bazilikën Santa Maria Maggiore, ku në vitin 867, Papa Adrian II shenjtëroi shkrimin dhe librat sllavë në gjuhën sllave, njoftoi shërbimi i shtypit i qeverisë. Në shekullin e IX-të, Papa priti Vëllezërit e Shenjtë Kirill dhe Metodij në Qytetin e Përjetshëm, i shpalli ata të barabartë me apostujt dhe bekoi veprën e tyre të madhe dhe trashëgiminë letrare. Shekuj më vonë, në vitin 1980, Papa Gjon Pali II i shpalli ata bashkë-mbrojtës të Evropës - njohje e shtigjeve kulturore që ata hapën për të gjithë kontinentin.
Në Santa Maria Maggiore, Kryeministri Zheljazkov vendosi një kurorë dhe u përul para pllakës përkujtimore të vëllezërve të shenjtë Kirill dhe Metodij.
Redaktoi: Diana Cankova, Miglena Ivanova
Përgatiti në shqip dhe publikoi: Vesella Mançeva, Svetllana Dimitrova
Foto: Këshilli i Ministrave
Tabloja demografike jashtëzakonisht negative është ndoshta sfida më e madhe që duhet të kapërcejmë për të ruajtur veten si komb, tha Cvetan Spasov, kreu i Organit Drejtues të Programit të Zhvillimit të Burimeve Njerëzore në Ministrinë Sociale, në një..
Na pëlqen të themi se Bullgaria shtrihet për aq sa ka bullgarë. Që kjo hapësirë shpirtërore, këta kufij shpirtërorë të Bullgarisë, të jenë të gjallë dhe të shëndetshëm, duhet të ketë një lidhje të fortë me bashkatdhetarët tanë jashtë vendit...
Studentët e mjekësisë, mjekët e rinj dhe specialistët mjekësorë nga gjashtë qytete – Sofja, Plovdivi, Pleveni, Burgasi, Varna dhe Stara Zagora, protestuan njëkohësisht për paga më të larta, kushte të mira pune dhe orare të rregulluara pune, njoftoi..
Tabloja demografike jashtëzakonisht negative është ndoshta sfida më e madhe që duhet të kapërcejmë për të ruajtur veten si komb, tha Cvetan Spasov, kreu..
Pesë raste sulmesh nga bandat e të ashtuquajturave “vendas” u regjistruan në Sofje vetëm javën e kaluar. Ka të ndaluar, kanë filluar procedurat..
Rreth 38% e bullgarëve nuk planifikojnë ose nuk mund të shkojnë me pushime këtë verë, tregon një anketë e Agjencisë “Mjara”, njofton BTA. Ata që dhanë..
Vranësira të dendura
Vranësira të ndryshueshme mundësi për reshje shiu
Vranësira të dendura me shi