Procesione dhe festime me rastin e 24 majit - Ditës së Vëllezërve të Shenjtë Kirill dhe Metodij, të alfabetit bullgar, arsimit dhe kulturës, si dhe të letërsisë sllave, po zhvillohen sot në të gjithë Bullgarinë.
Në Sofje, procesioni fillon në orën 10:30 të mëngjesit. Do të kalojë përgjatë bulevardeve qendrore "Car Osvoboditell" dhe "Vasill Levski" dhe do të arrijë në Bibliotekën Kombëtare "Shenjtorët Kirili dhe Metodi", ku para monumentit të vëllezërve të shenjtë Kirill dhe Metodij në orën 11:00 të paradites fillon një ceremoni solemne me pjesëmarrjen e Zëvendëspresidentes Ilijana Jotova.
Në Bllagoevgrad, Presidenti Rumen Radev do të përgëzojë maturantët e Shkollës së Mesme Kombëtare Humanitare "Shën Kirill dhe Metodij" në orën 10:30, pas së cilës do t'i bashkohet procesionit tradicional festiv nëpër rrugët e qytetit në orën 11:15, i cili do të përfundojë në sheshin “Georgi Izmirliev”, ku do të prezantohet një program i pasur me rastin e 24 majit dhe Festës së Qytetit.
Një procesion festiv do të kalojë edhe nëpër rrugët e Veliko Tërnovos. Gati 800 maturantë tradicionalisht do të parakalojnë përgjatë një qilimi të kuq prej 200 metrash në qendër të qytetit. Festivali “Nike - Loja dhe Fitorja” do të mbahet në qytetin e lashtë Nikopolis ad Istrum, i cili ndodhet pranë Veliko Tërnovos. Publiku do të shohë lojërat më të njohura të lashta, demonstrime luftimesh, luftime gladiatorësh, një treg skllevërish dhe një sfilatë mode të lashtë, njoftoi korrespondentja e Radios Kombëtare Bullgare Zdravka Masljankova.
Në Varna nga ora 10:00 do të ngrihet flamuri bullgar në sheshin “Shën Kirill dhe Metodij”, pas së cilës do të zhvillohet një program folklorik me pjesëmarrjen e mbi 600 nxënësve dhe studentëve, njoftoi Radioja Kombëtare Bullgare-Varna.
Në Plovdiv, në orën 19:00, në sheshin "Stefan Stambollov", Orkestra Frymore Përfaqësuese e Gardës dhe Ansambli Folklorik "Trakia" do të mbajnë një koncert.
Do të ketë gjithashtu një procesion në Sliven, i cili do të fillojë nga kopshti i qytetit në orën 11:00 të paradites. Në mbrëmje në orën 19:30. Do të ketë një koncert dhe 250 dronë do të performojnë një shfaqje dritash në qiellin e natës, raportoi korrespondenti ynë Stojan Radev.
Redaktoi: Miglena IvanovaPërgatiti në shqip dhe publikoi: Vesella Mançeva
Foto: BTA-arkiv, Dimitrina Donçeva - fotot janë ilustruese
Një festë, e mbështetur nga autorë bullgarë të letërsisë artistike nga vendi dhe jashtë tij, do të zhvillohet më 14 qershor në qytetin gjerman Hamburg. Për të marrë pjesë në edicionin e tretë të Festivalit të Letërsisë Bullgare, autorë nga Bullgaria,..
Institucionet shtetërore bullgare kanë marrë një angazhim të qartë për lehtësimin e qasjes në tregun e punës, dhe në territorin e Bullgarisë në përgjithësi, për personat me origjinë bullgare, të cilët ende nuk kanë shtetësi bullgare. Këtë e..
Në qendër të Pragës, mes godinave elegante të shekullit XIX dhe linjave të gjalla të tramvajit, mund të gjeni një rrugë me një emër krejt të njohur – Bulharská, ose “Rruga Bullgare”. Ajo ndodhet në lagjen “Vinohrady” dhe është vetëm një nga dëshmitë e..
Institucionet shtetërore bullgare kanë marrë një angazhim të qartë për lehtësimin e qasjes në tregun e punës, dhe në territorin e Bullgarisë në..
Në qendër të Pragës, mes godinave elegante të shekullit XIX dhe linjave të gjalla të tramvajit, mund të gjeni një rrugë me një emër krejt të njohur –..
Manastiri i Trojanit “Fjetja e Hyjlindëses Mari” do t’i dhurojë Kishës “Shën Parashqevi-Petka” në Trojan pjesë nga lipsanet e shenjta të shenjtorëve..
Pjesërisht me re
Vranësira të dendura
Diell, re, shi, bubullime
Vranësira të ndryshueshme mundësi për reshje shiu