Rreth 38% e bullgarëve nuk planifikojnë ose nuk mund të shkojnë me pushime këtë verë, tregon një anketë e Agjencisë “Mjara”, njofton BTA. Ata që dhanë këtë përgjigje janë kryesisht të moshuar nga vendbanime më të vogla.

33.2% e të anketuarve thanë se do të kalojnë pushimet në Bullgari, 11.9% - jashtë vendit, 9.6% kanë ndërmend të jenë si në Bullgari ashtu edhe jashtë vendit, dhe gati 8% hezituan në përgjigjen e tyre.

Familjet kanë lënë mënjanë mesatarisht 2200 leva për pushimet e tyre. Pushimet më të preferuara janë ato në bregdet – të cilat i kanë treguar 38.9% e të anketuarve, ndërsa 15.3% preferojnë një vend tjetër përveç bregdetit, dhe 16.1% nuk ​​mund ta përcaktojnë. Rreth një e katërta e të anketuarve bëjnë pjesë në kategorinë “Nuk kam mundësi të mendoj për tema të tilla”.

Tema e rekreacionit veror është shumë larg të moshuarve, përfaqësuesve të grupeve minoritare dhe popullsisë nga fshatrat, thekson agjencia.

Anketa u krye "ballë për ballë" me tableta ndër 806 bullgarë të rritur midis 8 dhe 16 majit 2025.

Redaktoi: Diana Cankova

Përgatiti në shqip dhe publikoi: Svetllana Dimitrova

Foto: myara.bg