Kontrata për ndërtimin e njësive të 7-të dhe 8-të të Centralit Atomik "Kozlloduj" duhet të nënshkruhet deri në fund të vitit 2026, njoftoi ministri i energjisë Zheço Stankov në hapjen e Konferencës Ndërkombëtare Bërthamore "Energjetika Bërthamore Bullgare - Siguria Kombëtare, Rajonale dhe Globale e Energjisë" në Varna, njoftoi BTA. "Jam i sigurt se Bullgaria do të jetë vendi i parë në BE që do të ketë në funksion një reaktor Westinghouse AP 1000", theksoi ministri. Një reaktor pritet të vihet në shfrytëzim më së voni deri në vitin 2034, ndërsa tjetri të jetë funksional brenda dy viteve të ardhshme. Zheço Stankov tha gjithashtu se financimi shtetëror për projektin do të jetë midis 20 dhe 30 për qind.

Ndërkohë, po zhvillohen bisedime me institucionet ndërkombëtare për pjesën e mbetur të investimit. Po punohet gjithashtu për të siguruar personel për sektorin e energjisë - së bashku me Ministrinë e Arsimit, u krijuan programe për të stimuluar të rinjtë që të zgjedhin specialitete që lidhen me këtë sektor.

Redaktoi: Diana Cankova

Përgatiti në shqip dhe publikoi: Svetllana Dimitrova

Foto: BTA