Tre tenistë bullgarë u kualifikuan për çerekfinalet e Kampionatit të Hapur të Francës për vajza dhe djem, njofton BTA.
Rosica Dençeva mundi Laima Vlladson nga Lituania, e renditura e 16-të, me rezultatin 7:5, 6:4 dhe për një vend në gjysmëfinale do të përballet me kinezen Zhujen Çzhan e renditur e 11-të në skemë, ose Luna Maria Sinali nga Argjentina.
Ivan Ivanov dhe Aleksandër Vasilev gjithashtu arritën të renditeshin në tetë më të mirët në turneun e djemëve në Paris. Ivanov mundi Xhagër Lijç të Shteteve të Bashkuara, i renditur i pesti, me rezultatin 2:6, 6:3, 6:4, dhe Vasilev mundi rusin Sava Ribkin me rezultatin 6:2, 7:5.
Në çerekfinale, Ivan Ivanov do të luajë kundër italianit Jakopo Vazami, i renditur i dyti në skemë, ndërsa Aleksandër Vasilev do të përballet me amerikanin Xhak Kennedi ose Rjo Tabata nga Japonia. Të dy bullgarët u kualifikuan gjithashtu për çerekfinalet në dyshe.
Redaktoi: Diana Cankova
Përgatiti në shqip dhe publikoi: Svetllana Dimitrova
Foto: bgtennis.bg, @BulgarianTennisFederation, Federata Bullgare e Tenisit
Në garën me gati 2000 atletë, në Kampionatin Multi-Evropian të Taekwondo-s në Nish (Serbi), garuesit bullgarë fituan tre medalje ari dhe tre bronzi, dhe Viktoria Ivanova u zgjodh gjyqtarja më e mirë. Në kategorinë e meshkujve deri në 68 kg, Stefan..
Bullgarja Joana Konstantinova dhe Reina Goto nga Japonia mposhtën kinezen Wei dhe japonezen Yoshida me rezultatin 7:5, 6:1 në raundin e parë të turneut në dyshe në Kampionatin e Tenisit të Hapur të SHBA-së. Ky është gjithashtu suksesi i parë për..
Tenisti ynë Ivan Ivanov filloi me një fitore në Kampionatin e Hapur të Tenisit të Shteteve të Bashkuara midis juniorëve. Kampioni i Wimbledon mundi amerikanin Michael Antonius me 7:6 dhe 6:1. Aleksandër Vasilev gjithashtu vazhdon..
Vranësira të dendura
Pjesërisht me re