Paga mesatare në tremujorin e parë të këtij viti në vend arriti në 2443 leva - 11% më shumë krahasuar me të njëjtën periudhë të vitit 2024, sipas informacionit të Ministrisë Sociale, njoftoi reporterja e BNR-së Cvetelina Stojanova.

Pagat ishin më të larta në shtatë aktivitete ekonomike. Të parat midis tyre ishin “Krijimi dhe përhapja e informacionit dhe produkteve krijuese, telekomunikacioni” – 5739 leva me një rritje vjetore prej mbi 9% dhe “Aktivitetet financiare dhe të sigurimeve” – deri në 3837 leva me një rritje prej mbi 13%.

Banorët e Sofjes morën pagën mesatare më të lartë – 3386 leva, që është 38.6% më shumë se paga mesatare në të gjithë vendin. Rritja më e lartë e të ardhurave ishte në Bllagoevgrad – mbi 16.1%, në Tërgovishte – 16% dhe në Pleven – 13.8%.

Numri i të papunëve u ul me rreth 36 mijë persona, duke arritur në pak mbi 116 mijë.

Redaktoi: Diana Cankova

Përgatiti në shqip dhe publikoi: Svetllana Dimitrova

Foto: BTA