Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgaria është bashkëprodhuese në dy nga titujt e filmave në Festivalin e Filmit në Karlovy Vary

Foto: Karlovy Vary International Film Festival

Nga data 4 deri më 12 korrik, në qytetin çek Karlovy Vary do të mbahet edicioni i 59-të i festivalit ndërkombëtar të filmit. 9 nga gjithsej 11 titujt në garën për çmimin “Globusi i Kristaltë” janë premiera botërore. Vendi ynë përfaqësohet atje me dy filma, në të cilët është bashkëprodhues me Turqinë dhe Serbinë. Njëri është “Cinema Jazireh” i regjisores turke Gjözde Kura, veprimi i të cilit zhvillohet në Afganistan gjatë qeverisjes së talebanëve. Filmi është bashkëprodhim i Turqisë, Iranit, Bullgarisë dhe Rumanisë. Nga ana bullgare, bashkëprodhuese është Svetlla Cocorkova. Në programin e dytë garues të festivalit, të quajtur “Proksima”, marrin pjesë 13 filma. Njëri prej tyre është bashkëprodhim midis Serbisë, Kroacisë dhe Bullgarisë – “Si ka mundësi që këtu çdo gjë është jeshile?”. Subjekti i tij na çon në jetën e përditshme të një regjisori, i cili nuk është i kënaqur nga karriera e tij dhe vendos të niset me familjen e vet. Gjatë udhëtimit, ai zbulon gjëra të reja për prindërit e vet dhe për ta.

'Babai'

Produksione bullgare kanë fituar “Globusin e Kristaltë” dy herë gjatë pesë viteve të fundit. Në vitin 2019 këtë e bëri “Babai” i regjisorëve Kristina Grozeva dhe Petër Vallçanov. Ndërsa në vitin 2023, statujën prestigjioze e mori “Mësimet e Bllagës” i Stefan Komandarevit, së bashku me çmimin për aktoren më të mirë, i dhënë aktores kryesore në film – Eli Skorçeva.

Përpiloi: Joan Kolev

Përgatiti në shqip dhe publikoi: Sindi Nikollofski

Foto: Karlovy Vary International Film Festival, nfc.bg



Последвайте ни и в Google News Showcase, за да научите най-важното от деня!

Më shumë nga rubrika

Regjisori slloven do të vërë në skenë “Fizika e trishtimit” në Teatrin Popullor në Sofje

Një nga titujt, që do të jetë pjesë e repertorit të Teatrit Popullor gjatë vitit 2026, tashmë është i njohur. Kjo është shfaqja “Fizika e trishtimit” , të cilën regjisori slloven Jernej Lorenci do ta vërë në skenën teatrore. Kjo nuk është puna e tij e..

botuar më 25-06-07 7.00.PD

Për tre ditë gjatë qershorit Veliko Tërnovo jeton në kohën midis shekujve XII dhe XIV

Për të dhjetin vit radhazi, festivali "Përditshmëria e Tërnovgradit Mesjetar" do të mbledhë nga 6 deri më 8 qershor pjesëmarrës nga vende të ndryshme të Evropës, për të rikrijuar ngjarjet historike dhe jetën e përditshme të qytetit ashtu siç kanë qenë..

botuar më 25-06-05 7.00.MD

Shenja nga e kaluara - çfarë tjetër nuk dimë për alfabetin glagolitik?

Një alfabet, një mesazh për Evropën dhe shumë hipoteza – shkrimi glagolitik është një çelës për trashëgiminë dhe identitetin tonë kombëtar. Me rastin e 1170-vjetorit të krijimit të tij, ne transferohemi pas në kohë dhe më saktësisht në shekullin e..

botuar më 25-05-25 6.55.PD