Sofja, Bllagoevgradi dhe Plovdivi kanë dendësinë më të lartë të popullsisë për kilometër katror në vendin tonë, njofton BGNES.

Pesëdhjetë e tetë persona për kilometër katror jetojnë në vendin tonë, sipas të dhënave nga Instituti Kombëtar i Statistikave për fundin e vitit të kaluar. Në zonat e urbanizuara, dendësia e popullsisë është 1214.7 persona për kilometër katror - 6.2 më pak se në vitin 2023. Dendësia më e lartë në zonat e urbanizuara raportohet në rrethet e qyteteve Sofja (kryeqyteti) - 5022 banorë për km katrorë, Bllagoevgrad - 1999.2 dhe Plovdiv - 1830.9, dhe më e ulëta - në rrethet e qyteteve Vidin - 534.9, Dobriç - 565.5 dhe Tërgovishte - 613.6.

Që nga 31 dhjetori 2024, territori i Bullgarisë, i llogaritur në bazë të modeleve digjitale të hartës kadastrale të vendit, është 110 996.76 km katrorë.

Sipas metodës së përdorimit të përhershëm të tokës, sipërfaqja më e madhe është e zënë nga territoret bujqësore - 54.5%, dhe pyjet - 33.3% e sipërfaqes totale të vendit. Territoret e urbanizuara mbulojnë gati 5279.4 km katrorë ose 4.8% të territorit të vendit. Madhësia e zonave të mbrojtura është 2288.88 km katrorë ose 2.06%.

Redaktoi: Diana Cankova

Përgatiti në shqip dhe publikoi: Svetllana Dimitrova

Foto: Ani Petrova