Jam i sigurt se raportet e konvergjencës për Bullgarinë nga Komisioni Evropian dhe Banka Qendrore Evropiane do të mirëpriten nga të gjitha shtetet anëtare të Eurozonës. Këtë e deklaroi një burim nga BE për korrespondenten e Radios Kombëtare Bullgare në Bruksel, Angelina Piskova. Kjo do të ndodhë gjatë një takimi të Eurogrupit në Luksemburg të enjten. Në takim do të marrin pjesë ministrja e financave Temenuzhka Petkova dhe guvernatori i Bankës Popullore Bullgare, Dimitër Radev. Burimi rikujtoi se të dy raportet janë pozitivë, me një rekomandim nga Komisioni Evropian që Bullgaria të bëhet anëtare e Eurozonës nga 1 janari 2026.
“Bullgaria ka qenë në bord valutor dhe në praktikë e ka pranuar euron që nga shekulli i kaluar. Ekonomia e saj është shumë mirë e përshtatur për të funksionuar në kushte të stabilitetit të kursit të këmbimit”, theksoi burimi dhe shtoi se vendi gjithashtu ka bërë reforma për funksionimin e mirë të ekonomisë së tij brenda bashkimit monetar.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: EPA/BGNES