Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Teatri i Plovdivit me partneritet të ri dhe premierë botërore

Foto: Radio Plovdiv

Teatri Dramatik "N. O. Masalitinov" në Plovdiv informon për një fazë të re në zhvillimin e kulturor në vend. Bëhet fjalë për fillimin e një partneriteti strategjik me një kompani kryesuese në përpunimin e metaleve të çmuara dhe metaleve me ngjyra, që tashmë po bëhet sponsori kryesor i trupës teatrale. Ky bashkëpunim është një shenjë vizionarizmi, angazhimi dhe përgjegjësie afatgjatë, njofton Teatri Dramatik – Plovdiv. Mbështetja është pjesë e filozofisë së kompanisë si një partner shoqërisht i përgjegjshëm dhe bashkëpunëtor, pasi për vite me radhë grupi ka mbështetur iniciativa të ndryshme kulturore në Plovdiv, dhe tani punonjësit e saj kanë një ftesë për një përjetim të ri emocional – akses të veçantë në shfaqjet teatrale.

Në lajmet e mira përfshihet edhe një ngjarje me rëndësi historike – premiera botërore e shfaqjes "Distanca" nga Tiago Rodrigues, e krijuar në bashkëprodhim me një nga festivalet teatrale më prestigjioze në botë – atë në Avinjon (Festival d’Avignon). Për herë të parë në historinë e teatrit bullgar, një skenë bullgare bëhet bashkëproducent zyrtar i një shfaqjeje të përzgjedhur posaçërisht për programin kryesor të Avinjonit. Premiera botërore e "Distanca" do të mbahet në kuadër të edicionit të 79-të të festivalit në Avinjon, në korrik 2025, ndërsa më 17 dhe 18 shtator publiku bullgar do të ketë mundësinë ta shohë shfaqjen në Plovdiv, si pjesë e Festivalit Teatror të Vjeshtës "Skena në kryqëzim".

"Distanca" është krijuar në bashkëprodhim me teatrot kryesore evropiane nga Napoli, Athina, Plzeňi, Barcelona, Madridi, Lisbona, Antwerpi, Milano, Lioni, Aix-en-Provence, Strasburgu, Poznani, si dhe me Teatrin Kombëtar dhe Sallën e Koncerteve të Tajvanit (NTCH).

Përpiloi: Cvetana Tonçeva
Përgatiti në shqip dhe publikoi: Kostandina bello
Foto: Radio Plovdiv


Последвайте ни и в Google News Showcase, за да научите най-важното от деня!

Më shumë nga rubrika

Silvi Vartan është e ftuara speciale në edicionin e 11-të të CineLibri

Një nga ikonat e muzikës franceze me origjinë bullgare – Silvi Vartan – do të vijë në Sofje në muajin tetor si e ftuars speciale në edicionin e 11-të të CineLibri, njoftojnë organizatorët e Festivalit Ndërkombëtar të Filmit dhe Letërsisë. Këngëtarja u..

botuar më 25-08-26 3.40.MD

Statujë bronzi e një perëndeshë nga panteoni greko-romak u zbulua në Kaliakra

Një ekspeditë arkeologjike, e udhëhequr nga Doc. Dr. Boni Petrunova – drejtoreshë e Muzeut Historik Kombëtar të Bullgarisë, zbuloi një statujë masive prej bronzi të një perëndeshë nga panteoni greko-romak. Artefakti u gjet në dhoma banimi në të..

botuar më 25-08-26 6.10.PD

Veliko Tërnovo dhe Gabrovo kandidojnë së bashku për Kryeqytet Evropian të Kulturës 2032

“Banorët eqyteteve Veliko Tërnovo dhe Gabrovo e meritojnë të jenë kandidatura fituese për Kryeqytetin e ardhshëm Evropian të Kulturës në Bullgari, për vitin 2032”, deklaroi kryetari i bashkisë së qytetit historik Veliko Tërnovo, Daniell Panov.  Ideja..

botuar më 25-08-24 6.55.PD