Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Një jetë përkthyer në fjalë - Janka Selimi feston 90-vjetorin e saj

4
Janka Selimi me vajzën e saj Milena Selimi
Foto: Milena Selimi

Një jetë mes librave, fjalëve dhe urtësisë – kështu mund të përshkruhet rrugëtimi i përkthyeses së njohur Janka Trifonova Selimi, e cila në moshën 90-vjeçare vijon të sfidojë kohën me pasionin dhe përkushtimin e saj ndaj letërsisë. 

Janka Selimi lindi në vitin 1935 në Bullgari. Ajo studioi gjuhën ruse në Universitetin e Moskës dhe më pas punoi për shumë vite si përkthyese në Radio Tirana për gjuhën bullgare. Ajo ka dhënë gjithashtu mësim në universitet në gjuhën ruse dhe bullgare. Bibliografia e saj përfshin përkthime të shumta të autorëve të ndryshëm si Stefan Canev, Jordan Jovkov, Bllaga Dimitrova, Boja Biolçev dhe Aleksandar Tomov etj. Që në vitin 2019 është përkthyese e rrjetit TRADUKI dhe ka përkthyer romanet në shqip: “Hotel Grand”, Renato Baretić, “Fëmijët e Hansenit”, Ognjen Spahić, “Tespihet Fosforeshente”, Jovan Nikoiladis dhe romanin “Gjarpër i Shtëpisë” në bullgarisht të autorit Arian Leka.

Këtë përvjetor të veçantë, Janka Selimi e feston me ribotimin e veprës "Roman Natyral" nga autori bullgar Georgi Gospodinov, të cilin ajo e kishte përkthyer vite më parë në shqip dhe që tashmë rikthehet në duart e lexuesit me një pamje bashkëkohore, falë shtëpisë botuese "Papirus".
Janka Selimi
Vetë autori, Georgi Gospodinov, ka ndarë një urim të ngrohtë për të në rrjetin social Facebook:

“Janka Selimi, në foto, e cila përktheu vite më parë Roman Natyral në shqip, feston 90-vjetorin e saj me këtë botim të ri të sapodalë të romanit! Vajza e saj, përkthyesja nga bullgarishtja Milena Selimi, e vazhdoi misionin e saj, duke përkthyer “Fizika e trishtimit”, “Kohëstrehimi” dhe së shpejti “Kopshtari dhe vdekja”, së bashku me libra të tjerë nga autorë bullgarë. Uroj të keni shëndet! Gëzuar përvjetorin, e dashur Janka!”

Figura e Janka Selimit është një frymëzim për të gjithë ata që besojnë se dashuria për letërsinë nuk njeh moshë. Kontributi i saj në fushën e përkthimit ka ndihmuar në afrimin e kulturave dhe në njohjen e letërsisë bashkëkohore bullgare nga lexuesit shqiptarë.  

Radioja Kombëtare Bullgare i uron Gëzuar 90-vjetorin, Janka Selimit! Me urimin për të qendruar gjithmonë e fortë dhe frymëzuese!

Lexoni më tepër:


Последвайте ни и в Google News Showcase, за да научите най-важното от деня!

Galeria

Më shumë nga rubrika

Vëllazëria e Bardhë pret Vitin e Ri Hyjnor

Ndjekësit e mësuesit shpirtëror Beinsa Duno (Petër Dënov), të njohur si Vëllazëria e Bardhë, e presin Vitin e Ri Hyjnor më 19 gusht tek Shtatë Liqenet e Rilës – në ditën e Shpërfytyrimit të Krishtit sipas kalendarit të vjetër. “Kjo ngjarje qendrore..

botuar më 25-08-19 5.55.PD

Fari i Shabllës hapi sërish dyert për vizitorët

Me rastin e Ditës Ndërkombëtare të Fareve Detare, fari më i vjetër përgjatë brigjeve detare bullgare në Shablla hapi dyert për vizitorët. Komuna e Shabllës njoftoi se sot, nga ora 09:00 deri në 17:00, është mundësia e fundit për këtë vit që turistët të..

botuar më 25-08-18 11.08.PD

Në Petrova Niva, përkujtohet 122 vjetori i Kryengritjes së Ilindenit

Në vendin historik Petrova Niva në malin e Stranxhës, sot do të shënohet 122-vjetori i Kryengritjes së Ilindenit. Ceremonia zhvillohet nën patronazhin e Presidentit të Republikës, dhe në të do të marrë pjesë edhe Presidenti Rumen Radev, njoftoi zyra e..

botuar më 25-08-16 11.25.PD