Në një konferencë për shtyp në Këshillin Bashkiak të Sofjes, anëtarët e larguar nga “Po e vazhdojmë ndryshimin” – kryetarët e bashkive të lagjeve “Ljulin” dhe “Mlladost”, Georgi Todorov dhe Ivajllo Kukurin, si dhe këshilltarët bashkiakë Dragomir Ivanov dhe Dimitër Shallëfov, njoftuan se “refuzojnë të marrin pjesë në skema dhe lojëra të fshehta politike”.

Georgi Todorov tha se ditët e fundit ata kanë qenë nën “fushatë denigrimi, insinuata dhe presion”, sepse kanë zgjedhur të mos heshtin. Ai komentoi gjithashtu se arrestimi i Barburovit, dorëheqja e tij, si dhe dorëheqja e Kirill Petkov nuk janë thjesht pasojë e lëkundjeve politike brenda një force, por tregues i një “krize të thellë morale”, si rezultat i fshehjes së vazhdueshme të problemeve të brendshme. Todorov gjithashtu tha se gjatë muajve të fundit, mbi ta është ushtruar presion për të favorizuar interesat private në vend të atyre publike dhe për të heshtur për çështje të rëndësishme që prekin qytetarët.

Lexoni më shumë mbi temën në publikimet e Radio Bullgarisë:

• Kirill Petkov jep dorëheqjen si bashkëkryetar i "Po e Vazhdojmë Ndryshimin"

• Dorëheqjet në PP-DB vazhdojnë

Redaktoi: Darina Grigorova

Përgatiti në shqip dhe publikoi: Svetllana Dimitrova

Foto: BTA