Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Na la Verka Siderova – zëri i saj mbetet një standard në folklorin e Dobruxhës

Verka Siderova
Foto: arkiv

Verka Siderova, zëri i artë i Dobruxhës dhe i Bullgarisë, përfundoi udhën e saj tokësore në moshën 99-vjeçare. Lajmin e hidhur e bëri të ditur familja e këngëtares.

E lindur më 26 prill 1926 në qytetin Dobrç të Bullgarisë Verilindore, Verka Siderova përfundoi arsimin fillor në gjuhën rumune (në atë kohë qyteti ishte pjesë e Rumanisë), e më pas ndoqi gjimnazin klasik në Dobrç, ku mësonte latinisht dhe greqishtt ë lashtë. Ajo mësoi gjithashtu frëngjisht dhe anglisht, ndërsa italishtja i shkonte aq për shtat, sa më vonë u bë edhe “përkthyese” e Filip Kutevit gjatë turneve të ansamblit folklorik që ai drejtonte në Itali. Për këtë kujtonte me buzëqeshje vetë Verka në një nga intervistat e saj për Radio Bullgarinë.

Intelekt i kombinuar me talent të lindur - kolegët gazetarë i kanë theksuar vazhdimisht këto virtyte të Verka Siderovës, të cilat kanë kontribuar ndjeshëm në formësimin e stilit dhe repertorit të saj.

Verka Siderova është Qytetare Nderi e Dobrçit dhe mbajtëse e dekoratës më të lartë të Republikës së Bullgarisë – Urdhri “Stara Planina”, grada  e parë.

Këngëtarja, interpretimi i së cilës i këngës “A je tulipan apo zymbyl” mbetet i pakrahasueshëm edhe sot, ishte gjithashtu një optimiste e vërtetë dhe e natyrshme. Në një intervistë për Radio Bullgarinë, ajo rrëfeu:

“Çdo ditë diçka ndryshon dhe nuk di se ku do të çojë kjo. Por unë mundohem të ruaj forcën e shpirtit dhe vetë krijoj humorin tim. Nëse ndjej se jam e mërzitur, nis të këndoj ndonjë këngë qesharake, madje ndonjëherë edhe nga ato “të kripura”, që njerëzit i quajnë “këngë e të hënës”. Thonë – kur plakesh, jeta të bëhet e mërzitshme, por nuk është kështu. Unë kam marrë shumë nga jeta, jam mirënjohëse Zotit dhe prindërve të mi për këtë. Por duket se vjen një moment kur duhet të kthesh gjithçka që ke marrë, derisa prej teje të mos mbetet më asgjë...”

Përulje për kujtesën e saj të shenjtë!

Lexoni më shumë për këngëtaren në koleksionin e Radio Bullgarisë:


Përpiloi: Krasimir Martinov

Përgatiti në shqip dhe publikoi: Svetllana Dimitrova

Foto: Radioja Kombëtare Bullgare - Allbena Bezovska, arkivi personal



Последвайте ни и в Google News Showcase, за да научите най-важното от деня!

Më shumë nga rubrika

Georgi Zllatev-Çerkin (1905-1977)

Georgi Zllatev-Çerkin – “Sykaltra”

Që në vitet ’20 të shekullit XX, kompozitori i ri bullgar Georgi Zllatev-Çerkin u quajt nga kritikë muzikorë në Vjenë “Shuberti bullgar”. Krijuesi i talentuar është i njohur për veprat e tij si Trio për piano, “Pastoral” për flaut dhe piano, dhe “Sevdana”..

botuar më 25-06-13 6.05.PD

Violinistja Aljona Çehova: Simfonieta-Vraca është një fenomen në jetën muzikore të Bullgarisë

Orkestra Filarmonike e qytetit Vraca – Simfonieta – është shndërruar në një strehë për violinisten Aljona Çehova. E lindur në qytetin rus Tjumen (Siberia Perëndimore), e rritur në Krimenë ukrainase dhe pasi ka jetuar më shumë se 10 vjet në Moskë, ku..

botuar më 25-06-12 7.25.PD

"A pi uthull, a ha limon"… rreth mesazheve negative – me një buzëqeshje

Stefan Vëlldobrev ka publikuar një tjetër këngë nga albumi i tij me “Të dyshuarit e zakonshëm” "!Pikëpyetje të çuditshme?". Duke ndjekur emrin e albumit, Stefan nuk pushon së bëri pyetje edhe në titullin e këngës "A pi uthull, a ha limon", dhe vazhdon..

botuar më 25-06-12 6.10.PD