Të shtunën, temperaturat minimale do të jenë nga 15 deri në 23°C. Në Sofje pritet të jenë rreth 18°C. Gjatë ditës moti do të jetë sërish me diell dhe shumë i nxehtë. Më freskët do të jetë përgjatë bregdetit. Do të fryjë erë e lehtë, kryesisht nga lindja. Temperaturat maksimale do të jenë mes 34 dhe 39°C. Në kryeqytet – rreth 34°C.

Në male moti do të jetë me diell, pasdite me vranësira të pakta kalimtare. Do të fryjë erë e lehtë, në pjesët e larta deri mesatare nga verilindja. Temperatura maksimale në lartësi 1200 m do të jetë rreth 30°C, ndërsa në 2000 metra – rreth 22°C.

Në bregdetin e Detit të Zi do të jetë me diell. Do të fryjë erë e lehtë deri mesatare nga juglindja. Temperaturat maksimale të ajrit do të jenë nga 27 deri në 29°C. Temperatura e ujit të detit është 23–25°C. Dallgëzimi i detit do të jetë 1–2 ballë.

Të dielën moti do të mbetet me diell dhe i nxehtë, me temperatura maksimale nga 34 deri në 39°C. Do të jetë pothuajse pa erë ose me erë të lehtë, kryesisht nga jugu.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BTA