“Po e vazhdojmë ndryshimin” (PP) do të mbështesë vota mosbesimi që nuk na largojnë nga Evropa. Kështu iu përgjigj lideri i partisë “PP”, Asen Vasilev, një pyetjeje të gazetarëve se si do të votojë partia në votën e nesërme të mosbesimit ndaj qeverisë për dështime në sektorin e mjedisit dhe ujërave. Ai kujtoi se pozita e partisë ishte të përmbahej nga votimi për mocione mosbesimi deri më 8 korrik, kur u mor vendimi përfundimtar për anëtarësimin e Bullgarisë në eurozonë.
“Që nga tani ne jemi në opozitë. E kemi thënë qartë se kjo qeveri është e dëmshme për Bullgarinë,” deklaroi Asen Vasilev, i cituar nga BTA.

Deputeti sqaroi se flet vetëm në emër të partisë së tij dhe jo në emër të gjithë grupit parlamentar të koalicionit PP-DB.

“Fakti që “Po e vazhdojmë ndryshimin” e mbështet mocionin e mosbesimit pa lidhje të qartë nuk më habit, por më trishton”, komentoi nga Roma kryeministri Rosen Zheljazkov. Ai shtroi pyetjen retorike nëse kjo do të thotë që partia do të veprojë në mënyrë të koordinuar në të ardhmen me “Vëzrazhdane” dhe “Veliçie”, duke kërkuar koalicione apo shumica të ardhshme. Zheljazkov shtoi se mocioni i mosbesimit ndaj qeverisë së tij, i paraqitur nga partia “Veliçie”, nuk do të kalojë, sepse nuk ka kushte për këtë.

Lexoni më shumë mbi temën:

• Para se të zhvillohet votimi i tretë i mosbesimit nga “Veliçie” depozituan të katërtin

• Me 54 vota "pro", votimi i tretë i mosbesimit dështoi

• Doc. Buruxhieva: Vota e mosbesimit te ne po shndërrohet në diçka ndryshe nga thelbi i saj