Instituti i Shkencave Kompjuterike, Inteligjencës Artificiale dhe Teknologjisë (INSAIT) në Universitetin e Sofjes "Shën Kliment Ohridski" prezantoi pesë punime shkencore në Konferencën Ndërkombëtare mbi Mësimin Automatik (ICML 2025), njoftoi qendra e shtypit e universitetit. Dy nga punimet janë përfshirë në programin kryesor të konferencës, dhe tre - në punëtori shkencore të specializuara. INSAIT është i vetmi institucion bullgar me materiale të pranuara në edicionin e këtij viti të ICML, vëren universiteti më i vjetër bullgar.

Artikulli i parë nga programi kryesor analizon pasojat e mundshme të padëshirueshme të aplikimit të modeleve të inteligjencës artificiale në një mjedis praktik. Studimi shqyrton ndikimin e tyre në sjelljen njerëzore në fusha të tilla si vendimet financiare, procese të lidhura me personelin dhe rrjetet sociale. Publikimi i dytë paraqet një sistem të ri për testimin e modeleve gjeneruese, i cili synon të përmirësojë aftësitë e sistemeve moderne të IA-së kur punojnë me probleme logjike dhe matematikore.

Lexoni më tepër në arkivin e Radio Bullgarisë:

• INSAIT dhe Instituti i Teknologjisë në Masaçusets do të punojnë së bashku në fushën e inteligjencës artificiale

• Mbi 4000 studentë nga e gjithë bota duan një stazh në institutin INSAIT në Sofje

• Bullgaria është e para në BE që realizoi inteligjencën artificiale të nivelit të lartë në gjuhën e saj

• Instituti bullgar INSAIT hyri në Aleancën globale të "Meta" dhe IBM për krijimin e inteligjencës artificiale

• Prej 3 vitesh INSAIT e pozicionon Bullgarinë në hartën teknologjike të botës

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: INSAIT