Të shtunën, temperaturat minimale do të jenë nga 10 deri në 19°. Në Sofje do të jetë 10°. Gjatë ditës do të jetë me diell, pas mesditës – me vranësira. Në disa vende në rajonet malore të Bullgarisë Jugore do të ketë shi dhe bubullima. Do të fryjë erë e dobët, në Fushën e Danubit erë e moderuar nga veriperëndimi. Temperaturat maksimale do të jenë midis 28 dhe 33°, në kryeqytet – rreth 29°.

Në male do të jetë kryesisht me diell. Pasdite do të zhvillohen vranësira dhe në rajonin Rilla-Rodope do të ketë shira dhe bubullima. Era do të mbetet e moderuar nga perëndimi-veriperëndimi, dhe në pjesët më të larta do të jetë e fortë. Temperatura maksimale në një lartësi prej 1200 m do të jetë rreth 24°, në 2000 metra - rreth 17°.

Do të jetë kryesisht me diell përgjatë bregdetit të Detit të Zi. Do të ketë rritje të përkohshme të vranësirave pas mesditës. Para mesditës do të fryjë erë e lehtë nga perëndimi-veriperëndimi, pasdite - një fllad i lehtë dhe mesatar nga juglindja. Temperaturat maksimale të ajrit do të jenë midis 28 dhe 31°. Temperatura e ujit të detit është 23-26°. Dallgëzimi i detit është 1-2 ballë.

Të dielën, reshjet do të ndalen në të gjithë vendin. Temperaturat e ditës do të rriten dhe maksimalet do të arrijnë midis 31 dhe 36°.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: BGNES